10.88C Vancouver 10.88C VancouverMar 31, 2025 5:44 PM - Connect Newsroom
ਬ੍ਰਿਟਿਸ਼ ਕੋਲੰਬੀਆ ਵਾਸੀਆਂ ਨੂੰ 1 ਅਪ੍ਰੈਲ ਤੋਂ ਸੂਬੇ ਦੇ ਪੰਪਾਂ 'ਤੇ ਗੈਸ ਕੀਮਤਾਂ ਵਿਚ ਕਮੀ ਦੇਖਣ ਨੂੰ ਮਿਲ ਸਕਦੀ ਹੈ ਕਿਉਂਕਿ ਪ੍ਰੀਮੀਅਰ ਡੇਵਿਡ ਈਬੀ ਦੀ ਸਰਕਾਰ ਅੱਜ ਇੱਕ ਕਾਨੂੰਨ ਰਾਹੀਂ ਵਿਧਾਨ ਸਭਾ ਵਿਚ ਖਪਤਕਾਰ ਕਾਰਬਨ ਟੈਕਸ ਨੂੰ ਖ਼ਤਮ ਕਰਨ ਦੀ ਕੋਸ਼ਿਸ਼ ਕਰਨ ਜਾ ਰਹੀ ਹੈ।
ਇਸ ਕਦਮ ਨਾਲ ਪੰਪਾਂ 'ਤੇ ਗੈਸ ਕੀਮਤਾਂ ਵਿਚ ਲਗਭਗ 17 ਸੈਂਟ ਪ੍ਰਤੀ ਲਿਟਰ ਦੀ ਕਮੀ ਆਉਣ ਦੀ ਉਮੀਦ ਹੈ ਅਤੇ ਰਿਹਾਇਸ਼ੀ ਕੁਦਰਤੀ ਗੈਸ ਦੇ ਉਪਭੋਗਤਾ ਨੂੰ ਪ੍ਰਤੀ ਮਹੀਨਾ ਲਗਭਗ $30 ਦੀ ਬਚਤ ਹੋਣ ਦੀ ਉਮੀਦ ਹੈ।
ਹਾਲਾਂਕਿ, ਸੂਬਾ ਸਰਕਾਰ ਲਈ ਵਿਧਾਨ ਸਭਾ ਵਿਚ ਐਨ ਮੌਕੇ 'ਤੇ ਇਸ ਸਬੰਧੀ ਬਿੱਲ ਨੂੰ ਪਾਸ ਕਰਨਾ ਚੁਣੌਤੀ ਹੋ ਸਕਦਾ ਹੈ। ਬੀ.ਸੀ. ਗ੍ਰੀਨਜ਼- ਰੀਪਲੇਸਮੈਂਟ ਕਲਾਈਮੇਟ ਪਲੇਨ ਦੇ ਬਿਨਾਂ ਬਿੱਲ ਨੂੰ ਸਮਰਥਨ ਦੇਣ ਤੋਂ ਝਿਜਕ ਰਹੀ ਹੈ, ਉਥੇ ਹੀ, ਬੀ.ਸੀ. ਕੰਜ਼ਰਵੇਟਿਵ ਪਾਰਟੀ ਨੇ ਕਿਹਾ ਹੈ ਕਿ ਉਹ ਬਿੱਲ ਦਾ ਤਾਂ ਹੀ ਸਮਰਥਨ ਕਰੇਗੀ ਜੇ ਇਸ ਦਾ ਬੋਝ ਅੱਗੇ ਉਦਯੋਗਾਂ 'ਤੇ ਨਹੀਂ ਪਾਇਆ ਜਾਵੇਗਾ।
ਪਾਰਟੀ ਲੀਡਰ ਜੌਨ ਰਸਟੈਡ ਨੇ ਕਿਹਾ ਕਿ ਇਸ ਸਮੇਂ ਇੰਡਸਟਰੀ ਸਪੱਸ਼ਟ ਤੌਰ 'ਤੇ ਮੁਸ਼ਕਲ ਵਿਚ ਹੈ ਅਤੇ ਜੇ ਈਬੀ ਇਹ ਕਹਿ ਕੇ ਇੰਡਸਟਰੀ 'ਤੇ ਕਾਰਬਨ ਟੈਕਸ ਦਾ ਵਾਧੂ ਭਾਰ ਪਾਉਣ ਜਾ ਰਹੇ ਹਨ ਕਿ ਉਹ ਲੋਕਾਂ ਲਈ ਇਸ ਨੂੰ ਖ਼ਤਮ ਕਰ ਰਹੇ ਹਨ ਤਾਂ ਕੰਜ਼ਰਵੇਟਿਵ ਪਾਰਟੀ ਇਸ ਦਾ ਸਮਰਥਨ ਨਹੀਂ ਕਰੇਗੀ।
