13.92C Vancouver 13.92C VancouverOct 4, 2021 9:30 PM -
ਲੌਂਗ ਟਰਮ ਕੇਅਰ ਹੋਮਸ ਅਤੇ ਅਸਿਸਟਿਡ ਲਿਵਿੰਗ ਫੈਸਿਲਿਟੀਸ 'ਚ ਰਹਿ ਰਹੇ ਬੀ.ਸੀ. ਵਾਸੀਆਂ ਨੂੰ ਇਸ ਹਫ਼ਤੇ ਤੋਂ ਕੋਵਿਡ-19 ਵੈਕਸੀਨ ਦੇ ਤੀਜੇ ਸ਼ਾਟ ਲਗਾਏ ਜਾਣਗੇ।
ਬੀਤੇ ਹਫ਼ਤੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਬੂਸਟਰ ਸ਼ਾਟ ਲਗਾਏ ਜਾਣ ਦੀ ਜਾਣਕਾਰੀ ਦਿੱਤੀ ਸੀ।
ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਗਰੁੱਪ ਸੈਟਿੰਗਸ ਵਿੱਚ ਰਹਿੰਦੇ ਹੋਏ ਵਾਇਰਸ ਦੇ ਫੈਲਾਅ ਦਾ ਵਧੇਰੇ ਖਤਰਾ ਰਹਿੰਦਾ ਹੈ ਅਤੇ ਇਸ ਵਰਗ ਵਿੱਚ ਉਮਰ ਦੇ ਕਾਰਨ ਕਮਜ਼ੋਰ ਐਂਟੀਬੌਡੀ ਰਿਸਪਾਂਸ ਵੀ ਵੇਖਣ ਨੂੰ ਮਿਲ ਸਕਦਾ ਹੈ।
ਜਾਣਕਾਰੀ ਦਿੱਤੀ ਗਈ ਸੀ ਕਿ ਤੀਜੀ ਖੁਰਾਕ ਵਧੇਰੇ ਲਾਭਦਾਇਕ ਸਾਬਿਤ ਹੋ ਸਕਦੀ ਹੈ ਅਤੇ ਇਸ ਨੂੰ ਪਹਿਲੀਆਂ 2 ਖੁਰਾਕਾਂ ਤੋਂ 6 ਮਹੀਨੇ ਬਾਅਦ ਦਿੱਤਾ ਜਾਣਾ ਬਿਹਤਰ ਹੈ।
ਯਾਦ ਰਹੇ ਡਾ. ਬੌਨੀ ਹੈਨਰੀ ਨੇ ਇਮਿਊਨੋਕੰਪਰੋਮਾਈਜਡ ਲੋਕਾਂ ਲਈ ਵੀ ਤੀਜੀ ਖੁਰਾਕ ਪ੍ਰਦਾਨ ਕੀਤੇ ਜਾਣ ਦੇ ਪਲੈਨ ਦਾ ਐਲਾਨ ਕਰ ਦਿੱਤਾ ਹੈ।
