14.67C Vancouver 14.67C VancouverDec 18, 2024 6:04 PM - Connect Newsroom
ਬ੍ਰਿਟਿਸ਼ ਕੋਲੰਬੀਆ ਦਾ ਬਜਟ ਘਾਟਾ ਇਸ ਸਾਲ ਰਿਕਾਰਡ $9.4 ਬਿਲੀਅਨ ਨੂੰ ਛੂਹਾ ਸਕਦਾ ਹੈ। ਸੂਬੇ ਦੀ ਨਵੀਂ ਵਿੱਤ ਮੰਤਰੀ ਬ੍ਰੈਂਡਾ ਬੇਲੀ ਨੇ ਇਹ ਖੁਲਾਸਾ ਕੀਤਾ। ਬੇਲੀ ਨੇ ਦੱਸਿਆ ਕਿ ਸੂਬੇ ਦਾ 2024-25 ਲਈ ਬਜਟ ਘਾਟਾ ਸਤੰਬਰ ਦੀ ਪਿਛਲੀ ਵਿੱਤੀ ਅੱਪਡੇਟ ਵਿਚ ਲਗਾਏ ਗਏ ਅਨੁਮਾਨ ਤੋਂ $429 ਮਿਲੀਅਨ ਵੱਧ ਗਿਆ ਹੈ, ਜਿਸ ਦਾ ਮੁੱਖ ਕਾਰਨ ਆਮਦਨ ਵਿਚ ਕਮੀ ਹੈ।
ਹਾਲਾਂਕਿ, ਉਨ੍ਹਾਂ ਭਰੋਸਾ ਦਿਵਾਇਆ ਕਿ ਘਾਟੇ ਦੇ ਵਧੇ ਅਨੁਮਾਨ ਕਾਰਨ ਸੂਬਾ ਸਰਕਾਰ ਸੇਵਾਵਾਂ ਵਿਚ ਕਟੌਤੀ ਨਹੀਂ ਕਰੇਗੀ, ਇਸ ਦੀ ਬਜਾਏ ਅਰਥਵਿਵਸਥਾ ਨੂੰ ਵਧਾਉਣ ਲਈ ਟਾਰਗੇਟਡ ਨਿਵੇਸ਼ ’ਤੇ ਫੋਕਸ ਕੀਤਾ ਜਾਵੇਗਾ।
ਬੇਲੀ ਨੇ ਸੂਬੇ ਦੇ ਲੋਕਾਂ ਲਈ ਕਿਫਾਇਤੀ ਰਾਹਤ ਦਾ ਵੀ ਵਾਅਦਾ ਕੀਤਾ। ਗੌਰਤਲਬ ਹੈ ਕਿ ਬੀ.ਸੀ. ਦੀ ਪਿਛਲੀ ਵਿੱਤੀ ਅੱਪਡੇਟ ਤਤਕਾਲੀ ਵਿੱਤ ਮੰਤਰੀ ਕੈਟਰੀਨ ਕੋਨਰੋਏ ਨੇ ਸਤੰਬਰ ਵਿਚ ਜਾਰੀ ਕੀਤੀ ਸੀ, ਉਸ ਸਮੇਂ ਉਨ੍ਹਾਂ ਇਸ ਫਿਸਕਲ ਸਾਲ ਲਈ $8.9 ਬਿਲੀਅਨ ਬਜਟ ਘਾਟੇ ਦਾ ਅਨੁਮਾਨ ਲਗਾਇਆ ਸੀ, ਜੋ ਉਸ ਤੋਂ ਪਿਛਲੀ ਅਪਡੇਟ ਤੋਂ $1.1 ਬਿਲੀਅਨ ਵੱਧ ਸੀ।
