13.54C Vancouver 13.54C VancouverDec 20, 2021 5:39 PM - The Canadian Press
ਬੀ.ਸੀ. 'ਚ ਈਵੈਂਟਸ ਅਤੇ ਇਕੱਠਾਂ ਸੰਬੰਧੀ ਐਲਾਨੀਆਂ ਗਈਆਂ ਪਬੰਦੀਆਂ ਅੱਜ ਤੋਂ ਲਾਗੂ ਹੋ ਗਈਆਂ ਹਨ।
ਇਹ ਨਿਰਦੇਸ਼ 31 ਜਨਵਰੀ ਤਕ ਜਾਰੀ ਰਹਿਣਗੇ।
ਸਿਹਤ ਅਧਿਕਾਰੀਆਂ ਦੇ ਮੁਤਾਬਿਕ ਓਮੀਕਰੌਨ ਵੇਰੀਐਂਟ ਦੇ ਵਧਣ ਕਾਰਣ ਹਸਪਤਾਲ ਭਰਨ ਦੇ ਡਰ ਕਰਕੇ ਹੋਰ ਪਾਬੰਦੀਆਂ ਦੇ ਨਾਲ ਨਾਲ ਨਵੇਂ ਸਾਲ ਮੌਕੇ ਹੋਣ ਵਾਲੇ ਸਾਰੇ ਈਵੈਂਟਸ ਵੀ ਰੱਦ ਕੀਤੇ ਗਏ ਹਨ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਓਮੀਕਰੌਨ ਵੇਰੀਐਂਟ ਕਾਰਣ ਮਹਾਂਮਾਰੀ ਦੀ ਇਹ ਸਥਿਤੀ ਹੋਰ ਵੀ ਚੁਣੌਤੀਪੂਰਨ ਹੋ ਰਹੀ ਹੈ।
ਬੀ ਸੀ ਵਿੱਚ ਸ਼ੁੱਕਰਵਾਰ ਨੂੰ ਓਮੀਕਰੌਨ ਵੇਰੀਐਂਟ ਦੇ 302 ਕੇਸ ਦਰਜ ਕੀਤੇ ਗਏ ਸਨ ਜੋ ਕਿ ਵੀਰਵਾਰ ਨੂੰ ਸਾਹਮਣੇ ਆਏ 135 ਕੇਸਾਂ ਦੇ ਮੁਕਾਬਲੇ ਜ਼ਿਆਦਾ ਸਨ।
ਅੱਜ ਡਾਕਟਰ ਹੈਨਰੀ ਅਤੇ ਸੂਬੇ ਦੇ ਹੈਲਥ ਮਿਨਿਸਟਰ ਏਡ੍ਰਿਅਨ ਡਿਕ੍ਸ ਵੱਲੋਂ ਬੀ ਸੀ ਦੀ ਰੈਪਿਡ ਟੈਸਟਿੰਗ ਪਾਲਸੀ ਵਿੱਚ ਬਦਲਾਅ ਕਰਨ ਦਾ ਐਲਾਨ ਕੀਤਾ ਜਾ ਸਕਦਾ ਹੈ।
