14.12C Vancouver 14.12C VancouverApr 6, 2020 10:32 PM -
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ, ਬੌਰੀਸ ਜੌਨਸਨ ਨੂੰ ਹਸਪਤਾਲ 'ਚ ਆਈ.ਸੀ.ਯੂ. 'ਚ ਦਾਖਿਲ ਕੀਤਾ ਗਿਆ ਹੈ।
ਉਨ੍ਹਾਂ ਦੀ ਸਿਹਤ ਵਿਗੜਨ ਦੀ ਸੂਚਨਾ ਦਿੱਤੀ ਜਾ ਰਹੀ ਹੈ।
ਪ੍ਰਧਾਨ ਮੰਤਰੀ ਦੇ ਦਫਤਰ ਤੋਂ ਆਏ ਬਿਆਨ 'ਚ ਆਖਿਆ ਗਿਆ ਹੈ ਕਿ ਉਨ੍ਹਾਂ ਨੂੰ ਲੰਡਨ ਦੇ 'ਸੇਂਟ ਥੌਮਸ ਹਸਪਤਾਲ' 'ਚ ਦਾਖਿਲ ਕੀਤਾ ਗਿਆ ਹੈ।
ਪ੍ਰਧਾਨ ਮੰਤਰੀ ਦਫਤਰ ਅਨੁਸਾਰ, ਜੌਨਸਨ ਹੋਸ਼ 'ਚ ਹਨ ਅਤੇ ਅਜੇ ਤਕ ਠੀਕ ਹਨ।
ਬੌਰਿਸ ਜੌਨਸਨ ਨੂੰ ਕੱਲ ਹੀ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਜੌਨਸਨ ਕਰੀਬ 10 ਦਿਨ ਤੋਂ ਕੋਵਿਡ-19 ਨਾਲ ਜੂਝ ਰਹੇ ਹਨ।
ਕੱਲ ਉਨ੍ਹਾਂ ਨੂੰ ਕੁਝ ਟੈਸਟਸ ਲਈ ਹਸਪਤਾਲ ਪਹੁੰਚਾਇਆ ਗਿਆ ਅਤੇ ਉਨ੍ਹਾਂ ਦੇ ਦਫਤਰ ਵੱਲੋਂ ਕੱਲ ਤਕ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਉਨ੍ਹਾਂ ਨੂੰ ਕਿਸੇ ਐਮਰਜੈਂਸੀ 'ਚ ਹਸਪਤਾਲ ਨਹੀਂ ਪਹੁੰਚਾਇਆ ਗਿਆ ਸੀ।
ਉਨ੍ਹਾਂ ਦੇ ਹਸਪਤਾਲ ਪਹੁੰਚਣ ਨੂੰ ਇੱਕ 'ਸਾਵਧਾਨੀ ਨਾਲ ਉਠਾਇਆ ਗਿਆ ਕਦਮ' ਦੱਸਿਆ ਗਿਆ ਸੀ।
ਵਿਦੇਸ਼ ਸਕੱਤਰ ਡੌਮਿਨਿਕ ਰਾਬ ਨੂੰ ਹਾਲ ਦੀ ਘੜੀ ਪ੍ਰਧਾਨ ਮੰਤਰੀ ਦੇ ਕੰਮਾਂ ਦਾ ਧਿਆਨ ਕਰਨ ਲਈ ਕਿਹਾ ਗਿਆ ਹੈ।
