12.29C Vancouver 12.29C VancouverAug 13, 2020 3:42 PM -
ਪਾਰਲੀਮੈਂਟਰੀ ਬਜਟ ਆਫਿਸ ਮੁਤਾਬਕ ਸਰਕਾਰ ਨੂੰ ਫੈਡਰਲ ਵੇਜ ਸਬਸਿਡੀ ਪ੍ਰੋਗਰਾਮ ਦਾ ਖ਼ਰਚਾ ਅੰਦਾਜ਼ੇ ਨਾਲੋਂ $14 ਬਿਲੀਅਨ ਘੱਟ ਹੋਵੇਗਾ।
ਪਾਰਲੀਮੈਂਟਰੀ ਬਜਟ ਆਫਿਸ ਦੇ ਐਨਾਲਿਸਟ ਬੈਨ ਸੀਗਲ-ਬ੍ਰਾਊਨ ਦਾ ਅਨੁਮਾਨ ਹੈ ਕਿ ਦਸੰਬਰ ਤੱਕ ਕੰਪਨੀਆਂ ਨੂੰ ਕੋਵਿਡ-19 ਕਾਰਨ ਸਬਸੀਡਾਈਜ਼ ਵੇਜ ਦਾ ਖਰਚਾ $67.9 ਬਿਲੀਅਨ ਹੋਵੇਗਾ।
ਵਿੱਤ ਮੰਤਰੀ ਬਿੱਲ ਮੋਰਨੋ ਨੇ ਜੁਲਾਈ ਵਿੱਚ ਆਪਣੀ ਫਿਸਕਲ ਰਿਪੋਰਟ ਵਿੱਚ $82.3 ਬਿਲੀਅਨ ਦੇ ਖਰਚੇ ਦਾ ਅੰਦਾਜ਼ਾ ਲਾਇਆ ਸੀ।
ਸੀਗਲ-ਬ੍ਰਾਊਨ ਮੁਤਾਬਕ ਅਰਥ ਵਿਵਸਥਾ ਵਿੱਚ ਅਨਿਸ਼ਚਿਤਤਾ ਅਤੇ ਪ੍ਰੋਗਰਾਮ ਦੇ ਨਿਯਮਾਂ ਵਿੱਚ ਹੋਈਆਂ ਤਬਦੀਲੀਆਂ ਨੂੰ ਦੇਖਦਿਆਂ ਉਸ ਸਮੇਂ ਉਹ ਅੰਕੜਾ ਸਹੀ ਸੀ।
ਕੈਨੇਡਾ ਐਮਰਜੈਂਸੀ ਵੇਜ ਸਬਸਿਡੀ ਵਪਾਰ ਮਾਲਕਾਂ ਨੂੰ ਤਨਖਾਹਾਂ ਦਾ 75 ਫ਼ੀਸਦੀ ਹਿੱਸਾ ਉਪਲੱਭਦ ਕਰਵਾ, ਕੋਵਿਡ-19 ਕਾਰਣ ਕੰਮ ਉੱਤੇ ਪੈ ਰਹੇ ਪ੍ਰਭਾਵ ਦੇ ਬਾਵਜੂਦ ਆਪਣੇ ਮੁਲਾਜ਼ਮਾਂ ਨੂੰ ਪੇਰੋਲ 'ਤੇ ਰੱਖਣ ਲਈ ਉਤਸ਼ਾਹਤ ਕਰਦਾ ਹੈ।
ਇਹ ਪ੍ਰੋਗਰਾਮ ਪਹਿਲਾਂ 3 ਮਹੀਨੇ ਲਈ ਉਪਲੱਬਧ ਸੀ ਪਰ ਫੇਰ ਇਸ ਦੀ ਮਿਆਦ ਵਧਾ ਦਿੱਤੀ ਗਈ ਸੀ ਅਤੇ ਹੁਣ ਹਰ ਮਹੀਨੇ ਕੰਪਨੀ ਦੀ ਆਮਦਨੀ ਨੂੰ ਦੇਖਦਿਆਂ ਇਸ ਰਾਹੀਂ 10 ਤੋਂ 75 ਫ਼ੀਸਦੀ ਸਬਸਿਡੀ ਪ੍ਰਦਾਨ ਕੀਤੀ ਜਾਂਦੀ ਹੈ।
