19.34C Vancouver 19.34C VancouverFeb 5, 2021 9:31 PM -
ਬਰਨਬੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਗੈਂਗ ਐਨਫੋਰਸਮੈਂਟ ਟੀਮ ਦਾ ਗਠਨ ਕੀਤਾ ਗਿਆ ਹੈ।
ਚੀਫ਼ ਸੁਪਰਡੈਂਟ 'ਡੀਐਨ ਬਰਲੀ' ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਇੱਕ ਸਾਲ ਵਿਚਾਲੇ ਗੈਂਗ ਐਕਟੀਵਿਟੀ 'ਚ 30% ਦਾ ਵਾਧਾ ਹੋਇਆ ਹੈ।
ਉਨ੍ਹਾਂ ਦੱਸਿਆ ਕਿ ਬਰਨਬੀ 'ਚ ਸਾਲ 2020 ਦੀ ਸ਼ੁਰੂਆਤ ਤੋਂ 6 ਚਾਕੂ ਨਾਲ ਹਮਲੇ ਦੀਆਂ ਵਾਰਦਾਤਾਂ, 9 ਸ਼ੂਟਿੰਗਸ ਅਤੇ 3 ਗੈਂਗ ਸੰਬੰਧਤ ਕਤਲ ਹੋ ਚੁੱਕੇ ਹਨ।
ਇਹ ਐਲਾਨ ਉਸ ਵੇਲੇ ਕੀਤਾ ਗਿਆ ਹੈ ਜਦ ਬੁੱਧਵਾਰ ਸ਼ਾਮ 32 ਸਾਲਾ 'ਕ੍ਰਿਸ ਕੈਨਵਰਦੀ' ਦਾ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ।
ਹੋਮੀਸਾਈਡ ਡਿਟੈਕਟਿਵਸ ਦਾ ਕਹਿਣਾ ਹੈ ਕਿ ਕੈਨਵਰਦੀ ਬਾਰੇ ਪੁਲਿਸ ਨੂੰ ਪਹਿਲਾਂ ਤੋਂ ਜਾਣਕਾਰੀ ਸੀ ਅਤੇ ਉਸ 'ਤੇ ਦੱਖਣਪੂਰਬੀ ਬਰਨਬੀ 'ਚ ਇੱਕ ਵਾਹਨ 'ਚ ਬੈਠੇ ਤੋਂ ਗੋਲੀ ਚਲਾ ਦਿੱਤੀ ਗਈ ਸੀ।
ਹਾਲਾਂਕਿ ਇਹ ਸਪਸ਼ਟ ਨਹੀਂ ਕੀਤਾ ਗਿਆ ਹੈ ਕਿ ਇਸ ਨੂੰ ਗੈਂਗ ਹਿੰਸਾ ਦਾ ਮਾਮਲਾ ਮੰਨਿਆ ਜਾ ਰਿਹਾ ਹੈ ਜਾਂ ਨਹੀਂ।
