13.91C Vancouver 13.91C VancouverSep 29, 2021 9:20 PM -
ਬਰਨਬੀ ਆਰ.ਸੀ.ਐਮ.ਪੀ. ਦੇ ਡਰੱਗ ਸੈਕਸ਼ਨ ਨੇ ਡਰੱਗਸ ਅਤੇ ਵਾਹਨਾਂ ਸੰਬੰਧੀ ਜਬਤਗੀ 'ਚ ਵੱਡੀ ਕਾਮਯਾਬੀ ਹਾਸਿਲ ਕੀਤੀ ਹੈ।
ਇਸ ਤੋਂ ਇਲਾਵਾ ਇੱਕ ਅਨਰਿਜਿਸਟਰਡ ਹੈਂਡ ਗਨ ਵੀ ਜਬਤ ਕੀਤੀ ਗਈ ਹੈ ਜਿਸ ਨੂੰ ਕਿ 'ਘੋਸਟ ਗਨ' ਦੱਸਿਆ ਜਾਂਦਾ ਹੈ।
ਇਸ ਬੰਦੂਕ ਦੇ ਕੁਝ ਕੰਪੋਨੈਂਟਸ ਨੂੰ ਅਨਟ੍ਰੇਸੇਬਲ ਦੱਸਿਆ ਜਾ ਰਿਹਾ ਹੈ।
ਕਈ ਮਹੀਨੇ ਦੀ ਜਾਂਚ ਤੋਂ ਬਾਅਦ ਇਹ ਕਾਮਯਾਬੀ ਹਾਸਿਲ ਹੋਈ ਦੱਸੀ ਗਈ ਹੈ।
ਮਾਮਲਾ 17 ਸਿਤੰਬਰ ਦਾ ਦੱਸਿਆ ਗਿਆ ਹੈ।
ਬਰਨਬੀ ਦੇ ਡਰੱਗ ਸੈਕਸ਼ਨ ਨੇ ਬਰਨਬੀ ਆਰ.ਸੀ.ਐਮ.ਪੀ. ਦੇ ਕਈ ਹੋਰ ਯੂਨਿਟਸ ਨਾਲ ਮਿਲ ਕੇ ਬਰਨਬੀ ਅਤੇ ਵੈਨਕੂਵਰ ਦੇ ਘਰਾਂ 'ਚ 4 ਸਰਚ ਵਰੰਟਾਂ ਨੂੰ ਅੰਜਾਮ ਦਿੱਤਾ।
ਚਾਰੇ ਵਰੰਟਾਂ ਨੂੰ ਇੱਕੋ ਸਮੇਂ 'ਤੇ ਅੰਜਾਮ ਦਿੱਤਾ ਗਿਆ।
ਇਸ ਤੋਂ ਇਲਾਵਾ ਜਬਤ ਕੀਤੇ ਗਏ ਡਰੱਗਸ ਵਿੱਚ ਕਈ ਕਿੱਲੋ ਕੋਕੇਨ, ਮੈਥਮਫਿਟਾਮੀਨ, ਐਮ.ਡੀ.ਐਮ.ਏ. ਅਤੇ ਕਈ ਪ੍ਰਕਾਰ ਦੇ ਪਿਲਸ ਸ਼ਾਮਿਲ ਦੱਸੇ ਗਏ।
ਇਹ ਡਰੱਗਸ ਇੱਕ ਘਰ 'ਚ ਪਏ ਸੇਫ 'ਚ ਬਰਾਮਦ ਹੋਏ ਜਿਸ ਨੂੰ ਕਥਿਤ ਤੌਰ 'ਤੇ ਡਾਇਲ-ਅ-ਡੋਪ ਆਪ੍ਰੇਸ਼ਨ ਸੰਬੰਧੀ ਸਟੈਸ਼ ਹਾਊਸ ਵਜੋਂ ਵਰਤਿਆ ਜਾ ਰਿਹਾ ਸੀ।
ਮਾਮਲੇ 'ਚ 3 ਲੋਕਾਂ ਦੀ ਗ੍ਰਿਫਤਾਰੀ ਵੀ ਹੋਈ ਹੈ।
