17.75C Vancouver 17.75C VancouverJan 18, 2023 1:11 AM - Connect News
ਬਰਨਬੀ ਆਰ.ਸੀ.ਐਮ.ਪੀ. ਵੱਲੋਂ ਸਾਲ 2022 ਦੇ ਕਮਰਸ਼ਲ ਵਾਹਨ ਐਨਫੋਰਸਮੈਂਟ ਸੰਬੰਧੀ ਅੰਕੜੇ ਸਾਂਝੇ ਕੀਤੇ ਗਏ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਲੋਅਰ ਮੇਨਲੈਂਡ 'ਚ ਰੋਡ ਸੇਫਟੀ ਤਰਜੀਹ ਦਾ ਮਾਮਲਾ ਹੈ।
ਸਾਲ 2022 ਦੌਰਾਨ ਬਰਨਬੀ ਆਰ.ਸੀ.ਐਮ.ਪੀ. ਨੇ 11 ਪਾਰਟਨਰ ਏਜੈਂਸੀਆਂ ਨਾਲ ਮਿਲ ਕੇ ਕੁੱਲ 43 ਪਲੈਂਡ ਕਮਰਸ਼ਲ ਵਾਹਨ ਐਨਫੋਰਸਮੈਂਟ ਆਪ੍ਰੇਸ਼ਨਸ ਨੂੰ ਅੰਜਾਮ ਦਿੱਤਾ।
ਇਸ ਦੌਰਾਨ 1,706 ਟਰੱਕ ਇੰਸਪੈਕਸ਼ਨਸ ਕੀਤੀਆਂ ਗਈਆਂ। ਖਾਸ ਗੱਲ ਇਹ ਸੀ ਕਿ ਇੰਸਪੈਕਸ਼ਨਸ ਦੌਰਾਨ 62% ਟਰੱਕ/1,053 ਟਰੱਕ 'ਆਊਟ ਆਫ ਸਰਵਿਸ' ਪਲੇਸ ਕਰ ਦਿੱਤੇ ਗਏ।
ਇਸੇ ਵਿਚਾਲੇ ਕੁੱਲ 4,552 ਵਾਇਓਲੇਸ਼ਨਸ ਤਹਿਤ 1,714 ਵਾਇਓਲੇਸ਼ਨ ਟਿਕਟ ਜਾਰੀ ਕੀਤੇ ਗਏ।
ਜਾਣਕਾਰੀ ਦਿੱਤੀ ਗਈ ਕਿ ਸਾਲ 2022 ਇੰਟੈਗ੍ਰੇਟਿਡ ਟੀਮ ਲਈ ਸਭ ਤੋਂ ਵਿਅਸਤ ਸਾਲ ਸਾਬਿਤ ਹੋਇਆ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਵਾਇਓਲੇਸ਼ਨਸ/ਉਲੰਘਣ ਲਗਾਤਾਰ ਵਾਪਰਦੇ ਹਨ ਅਤੇ ਇਸੇ ਕਾਰਨ ਐਨਫੋਰਸਮੈਂਟ ਅਤੇ ਸਿੱਖਿਆ 'ਤੇ ਧਿਆਨ ਕੇਂਦਰਿਤ ਕਰਨਾ ਜਰੂਰੀ ਹੈ।
