15.62C Vancouver 15.62C VancouverJul 6, 2021 1:48 AM -
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਗੈਰਕਨੂੰਨੀ ਢੰਗ ਨਾਲ ਕੈਨਬਿਸ ਖਰੀਦਣ ਦਾ ਨਤੀਜਾ ਇਹ ਹੁੰਦਾ ਹੈ ਕਿ ਅਪਰਾਧੀਆਂ ਲਈ ਬੰਦੂਕਾਂ ਅਤੇ ਕੈਸ਼ ਹਾਸਿਲ ਕਰਨਾ ਸੌਖਾ ਹੋ ਜਾਂਦਾ ਹੈ।
ਸਰੀ ਆਰ.ਸੀ.ਐਮ.ਪੀ. ਦੇ ਡਰੱਗ ਯੂਨਿਟ ਵੱਲੋਂ 22 ਜੂਨ ਨੂੰ ਇੱਕ ਡਰੱਗ ਤਸਕਰੀ ਮਾਮਲੇ ਦੀ ਜਾਂਚ ਅਰੰਭੀ ਗਈ ਸੀ।
ਅਗਲੇ ਦਿਨ ਯਾਨੀ ਕਿ 23 ਜੂਨ ਨੂੰ ਪੁਲਿਸ ਨੇ ਇੱਕ ਗੱਡੀ ਰੋਕੀ ਜੋ ਕਿ ਜਾਂਚ ਸੰਬੰਧੀ ਪ੍ਰਾਪਰਟੀ ਨਾਲ ਸੰਬੰਧਤ ਸੀ।
ਵਾਹਨ ਚਾਲਕ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਵਧੇਰੇ ਜਾਂਚ ਦੌਰਾਨ ਕਰੀਬ 1kg ਡਰਾਈ ਕੈਨਬਿਸ ਅਤੇ $35,000 ਕੈਸ਼ ਬਰਾਮਦ ਹੋਏ।
ਇਸੇ ਦਿਨ ਸਰੀ ਡਰੱਗ ਯੂਨਿਟ ਅਤੇ ਸਰੀ ਗੈਂਗ ਐਨਫੋਰਸਮੈਂਟ ਟੀਮ ਨੇ ਕੈਨਬਿਸ ਐਕਟ ਤਹਿਤ 2 ਤਲਾਸ਼ੀ ਵਰੰਟਾਂ ਨੂੰ ਅੰਜਾਮ ਦਿੱਤਾ।
ਲੈਂਗਲੀ 'ਚ 196 ਸਟ੍ਰੀਟ ਅਤੇ 2800 ਬਲੌਕ ਅਤੇ ਸਰੀ 'ਚ 98 ਐਵੀਨਿਊ ਅਤੇ 15700 ਬਲੌਕ 'ਚ ਤਲਾਸ਼ੀ ਲਈ ਗਈ।
ਇਸ ਦੌਰਾਨ 5 ਬੰਦੂਕਾਂ, 7,668 ਕੈਨਬਿਸ ਬੂਟੇ, $30,000 ਕੈਸ਼ ਅਤੇ ਕਈ ਹੋਰ ਪ੍ਰਕਾਰ ਦੇ ਪਦਾਰਥ ਬਰਾਮਦ ਕੀਤੇ।
ਇਸ ਮਾਮਲੇ 'ਚ 2 ਆਦਮੀ ਅਤੇ ਇੱਕ ਔਰਤ ਗ੍ਰਿਫਤਾਰ ਕੀਤੇ ਗਏ ਸਨ ਅਤੇ ਬਾਅਦ 'ਚ ਜਾਂਚ ਦੇ ਚਲਦਿਆਂ ਉਨ੍ਹਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ।
