13.28C Vancouver 13.28C VancouverDec 16, 2024 4:31 PM - The Canadian Press
ਬੀ.ਸੀ.ਦੀ ਕਲੋਵਰਡੇਲ-ਲੈਂਗਲੇ ਸੰਸਦੀ ਸੀਟ 'ਤੇ ਅੱਜ ਨਵੇਂ ਐਮ.ਪੀ. ਦੀ ਚੋਣ ਲਈ ਜ਼ਿਮਨੀ ਚੋਣ ਹੋ ਰਹੀ ਹੈ। ਇਹ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਲਈ ਤੀਜਾ ਇਮਤਿਹਾਨ ਹੈ। ਇੱਥੇ ਲਿਬਰਲ ਉਮੀਦਵਾਰ ਮੈਡੀਸਨ ਫਲੇਸ਼ਰ ਦਾ ਮੁਕਾਬਲਾ ਕੰਜ਼ਰਵੇਟਿਵ ਦੀ ਤਾਮਾਰਾ ਜੈਨਸਨ ਨਾਲ ਹੈ, ਜੋ ਪਹਿਲਾਂ ਵੀ ਇਸ ਸੀਟ ਤੋਂ ਸਾਂਸਦ ਰਹਿ ਚੁੱਕੀ ਹੈ। ਉਥੇ ਹੀ,ਵੈਨੇਸਾ ਸ਼ਰਮਾ ਐਨ.ਡੀ.ਪੀ. ਵਲੋਂ ਚੋਣ ਲੜ ਰਹੀ ਹੈ।
ਕਲੋਵਰਡੇਲ-ਲੈਂਗਲੇ ਦੀ ਜ਼ਿਮਨੀ ਚੋਣ ਉਸ ਸਮੇਂ ਹੋ ਰਹੀ ਹੈ ਜਦੋਂ ਇਸ ਤੋਂ ਪਹਿਲਾਂ ਦੀਆਂ ਦੋ ਜ਼ਿਮਨੀ ਚੋਣਾਂ ਵਿਚ ਲਿਬਰਲ ਪਾਰਟੀ ਆਪਣੇ ਪੁਰਾਣੇ ਗੜ੍ਹ ਗੁਆ ਚੁੱਕੀ ਹੈ। ਲਗਾਤਾਰ ਜ਼ਿਮਨੀ ਚੋਣ ਵਿਚ ਹਾਰ ਅਤੇ ਨਿਰਾਸ਼ਾਜਨਕ ਪੋਲ ਨੰਬਰਾਂ ਨੇ ਟਰੂਡੋ 'ਤੇ ਪਹਿਲਾਂ ਹੀ ਅਸਤੀਫਾ ਦੇਣ ਦਾ ਦਬਾਅ ਵਧਾਇਆ ਹੈ।
ਹੁਣ ਕਲੋਵਰਡੇਲ-ਲੈਂਗਲੇ ਦੇ ਤਾਜ਼ਾ ਨਤੀਜੇ ਵੀ ਉਨ੍ਹਾਂ ਦੇ ਰਾਜਨੀਤਕ ਪ੍ਰਭਾਵ 'ਤੇ ਅਸਰ ਪਾਉਣਗੇ। ਇਸ ਸੀਟ 'ਤੇ ਪਿਛਲੀ ਦੋ ਇਲੈਕਸ਼ਨ ਵਿਚ ਲਿਬਰਲਸ ਅਤੇ ਕੰਜ਼ਰਵੇਟਿਵ ਵਿਚਕਾਰ ਕਰੜੀ ਟੱਕਰ ਦੇਖਣ ਨੂੰ ਮਿਲੀ ਸੀ। 2019 ਵਿਚ ਕੰਜ਼ਰਵੇਟਿਵ ਇਹ ਸੀਟ ਲਗਭਗ 1,500 ਵੋਟਾਂ ਨਾਲ ਜਿੱਤੇ ਸਨ, ਜਦੋਂ ਕਿ 2021 ਵਿਚ ਇਹ ਸੀਟ ਲਿਬਰਲਸ ਕਰੀਬ 1,650 ਵੋਟਾਂ ਨਾਲ ਜਿੱਤੇ ਸਨ।
