ਹਾਊਸ ਆਫ ਕਾਮਨਜ਼ ਵਿਚ ਬਲਾਕ ਕਿਊਬੈਕਵਾ ਲਿਬਰਲਸ ਨੂੰ ਦੇਵੇਗੀ ਸਮਰਥਨ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਸਰਕਾਰ ਦੇ ਜਲਦ ਡਿੱਗਣ ਦਾ ਖ਼ਤਰਾ ਨਹੀਂ ਹੈ। ਹਾਊਸ ਆਫ ਕਾਮਨਜ਼ ਵਿਚ ਬਲਾਕ ਕਿਊਬੈਕਵਾ ਲਿਬਰਲਸ ਨੂੰ ਸਮਰਥਨ ਦੇਵੇਗੀ। ਬਲਾਕ ਕਿਊਬੈਕਵਾ ਦੇ ਪ੍ਰਧਾਨ ਯਵੇਸ-ਫਰੈਂਕੋਇਸ ਬਲੈਂਚੇਟ ਨੇ ਮਾਂਟਰੀਅਲ ਜ਼ਿਮਨੀ ਚੋਣ ਵਿਚ ਲਿਬਰਲਸ ਦੇ ਗੜ੍ਹ ਵਿਚ ਆਪਣੀ ਪਾਰਟੀ ਦੀ ਜਿੱਤ ਤੋਂ ਬਾਅਦ ਇਸ ਦੀ ਘੋਸ਼ਣਾ ਕੀਤੀ।

ਬਲੈਂਚੇਟ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਲੈਕਸ਼ਨ ਕਰਵਾਉਣ ਦੀ ਕੋਈ ਜਲਦਬਾਜ਼ੀ ਨਹੀਂ ਅਤੇ ਉਹ ਘੱਟ ਗਿਣਤੀ ਲਿਬਰਲ ਸਰਕਾਰ ਤੋਂ ਕੁਝ ਕੰਮਾਂ ਬਦਲੇ ਉਸ ਨੂੰ ਆਪਣਾ ਸਮਰਥਨ ਦੇਣ ਦੀ ਯੋਜਨਾ ’ਤੇ ਕਾਇਮ ਹਨ। ਗੌਰਤਲਬ ਹੈ ਕਿ ਮਾਂਟਰੀਅਲ ਦੀ ਲਾਸਾਲੇ-ਏਮਾਰਡ-ਵਰਡੂਨ ਰਾਈਡਿੰਗ ਵਿਚ ਜਿੱਤ ਦੇ ਨਾਲ ਬਲਾਕ ਕਿਊਬੈਕਵਾਕੋਲ ਸੰਸਦ ਵਿਚ 33 ਸੀਟਾਂ ਹੋ ਗਈਆਂ ਹਨ, ਜੋ ਕਿ ਲਿਬਰਲਸ ਦੀਆਂ 154 ਸੀਟਾਂ ਨਾਲ ਮਿਲ ਕੇ ਸੰਸਦ ਵਿਚ ਬਹੁਮਤ ਸਾਬਤ ਕਰਨ ਲਈ ਕਾਫ਼ੀ ਹਨ।

ਬਲੈਂਚੇਟ ਨੇ ਕਿਹਾ ਕਿ ਬਲਾਕ ਕਿਊਬੈਕਵਾ ਦੀਆਂ ਕਈ ਪ੍ਰਮੁੱਖ ਮੰਗਾਂ ਹਨ ਜੋ ਉਹ ਲਿਬਰਲਸ ਸਾਹਮਣੇ ਰੱਖਣਗੇ, ਇਨ੍ਹਾਂ ਵਿਚ ਸੀਨੀਅਰਾਂ ਲਈ ਵਧੇਰੇ ਫੰਡ ਦੀ ਮੰਗ ਵੀ ਸ਼ਾਮਲ ਹੈ। ਗੌਰਤਲਬ ਹੈ ਕਿ ਪੀਅਰ ਪੋਲੀਵਰੇ ਦੀ ਅਗਾਈ ਵਾਲੀ ਕੰਜ਼ਰਵੇਟਿਵ ਪਾਰਟੀ 119 ਸੀਟਾਂ ਨਾਲ ਹਾਊਸ ਔਫ ਕੌਮਨਜ਼ ਵਿਚ ਸਭ ਤੋਂ ਵੱਡੀ ਵਿਰੋਧੀ ਪਾਰਟੀ ਹੈ, ਜੋ ਜਲਦ ਚੋਣਾਂ ਕਰਵਾਉਣ ਦੀ ਮੰਗ ਕਰ ਰਹੀ ਹੈ।