13.38C Vancouver 13.38C VancouverApr 29, 2021 8:20 PM -
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਵਹਾਲੀ ਇਲਾਕੇ 'ਚ ਇੱਕ ਵਿਅਕਤੀ ਨੂੰ ਉਸ ਵੇਲੇ ਗ੍ਰਿਫਤਾਰ ਕੀਤਾ ਗਿਆ ਜਦ ਲੋਕਾਂ ਨੇ ਵਿਅਕਤੀ ਦਾ ਪੈਦਲ ਪਿੱਛਾ ਕਰ ਰਹੀ ਪੁਲਿਸ ਦੀ ਮਦਦ ਕੀਤੀ।
ਮਾਮਲਾ 27 ਅਪ੍ਰੈਲ ਤੜਕੇ ਕਰੀਬ 2 ਵਜੇ ਦਾ ਦੱਸਿਆ ਗਿਆ ਹੈ।
ਪੁਲਿਸ ਨੂੰ 132 ਸਟ੍ਰੀਟ ਦੇ 9500 ਬਲੌਕ 'ਚ ਇੱਕ ਗੱਡੀ ਦੀ ਜਾਣਕਾਰੀ ਮਿਲੀ ਸੀ ਜਿਸ ਦੀ ਪਿਛਲੇ ਲਾਈਸੈਂਸ ਪਲੇਟ ਢਕੀ ਹੋਈ ਸੀ।
ਪੁਲਿਸ ਨੇ ਗੱਡੀ ਤਕ ਪਹੁੰਚ ਕੀਤੀ ਅਤੇ ਇੱਕ ਆਦਮੀ ਅਤੇ ਔਰਤ ਨਾਲ ਪੁੱਛਗਿੱਛ ਕੀਤੀ।
ਇਸੇ ਦੌਰਾਨ ਆਦਮੀ ਨੇ ਅਚਾਨਕ ਭੱਜਣਾ ਸ਼ੁਰੂ ਕਰ ਦਿੱਤਾ।
ਕੁਝ ਲੋਕਾਂ ਨੇ ਇਹ ਸਭ ਆਪਣੀ ਅੱਖੀਂ ਵੇਖਿਆ ਅਤੇ ਉਨ੍ਹਾਂ ਭੱਜਦੇ ਵਿਅਕਤੀ ਨੂੰ ਅੜਿੱਕਾ ਪੇਸ਼ ਕੀਤਾ ਜਿਸ ਤੋਂ ਬਾਅਦ ਪੁਲਿਸ ਅਫ਼ਸਰ ਉਸ ਵਿਅਕਤੀ ਤਕ ਪਹੁੰਚ ਗਏ।
ਬਾਅਦ 'ਚ ਪਤਾ ਲੱਗਿਆ ਕਿ ਇਹ ਵਿਅਕਤੀ ਕੋਰਟ ਦੇ ਨਿਰਦੇਸ਼ਾਂ ਦਾ ਉਲੰਘਣ ਕਰ ਰਿਹਾ ਸੀ।
ਇਸ ਮਾਮਲੇ 'ਚ 25 ਸਾਲਾ ਕੋਰੀ ਅਲਮਰ ਬਰਾਊਨ 'ਤੇ 'ਬ੍ਰੀਚ ਆਫ ਪ੍ਰੋਬੇਸ਼ਨ' ਦੇ 2 ਦੋਸ਼ ਲੱਗੇ ਹਨ।
