ਕੈਲਗਰੀ ਆਰਮੀ ਦੇ ਰਿਜ਼ਰਵ ਅਧਿਕਾਰੀਦੀ ਬੀ. ਸੀ. ਵਿਚ ਬਰਫ਼ ਦੀ ਚੜ੍ਹਾਈ ਕਰਦੇ ਸਮੇਂ ਹਾਦਸੇ ਵਿਚ ਮੌਤ

ਕੈਲਗਰੀ ਆਰਮੀ ਦੇ ਰਿਜ਼ਰਵ ਅਧਿਕਾਰੀ ਦੀ ਈਸਟਰਨ ਬੀ.ਸੀ. ਵਿਚ ਬਰਫ਼ ਦੀ ਚੜ੍ਹਾਈ ਕਰਦੇ ਸਮੇਂ ਹਾਦਸੇ ਵਿਚ ਮੌਤ ਹੋਣ ਦੀ ਖਬਰ ਹੈ। ਮੇਜਰ.ਡੇਵ ਪੀਬੌਡੀ ਉਸ ਸਮੇਂ ਡਿਊਟੀ ’ਤੇ ਨਹੀਂ ਸਨ ਅਤੇ 26 ਦਸੰਬਰ ਨੂੰ ਕੂਟੇਨੇ ਨੈਸ਼ਨਲ ਪਾਰਕ ਵਿਚ ਬਰਫ਼ ਦੀ ਚੜ੍ਹਾਈ ਦਾ ਮਜ਼ਾ ਲੈ ਰਹੇ ਸਨ। ਕੈਲਗਰੀ ਹਾਈਲੈਂਡਰਜ਼ ਦੇ ਔਫੀਸਰਜ਼ ਵਲੋਂ ਮੇਜਰ.ਪੀਬੌਡੀ ਨੂੰ ਸ਼ਰਧਾਂਜਲੀ ਦਿੱਤੀ ਗਈ ਹੈ।

ਉਨ੍ਹਾਂ ਨੇ ਜਾਣਕਾਰੀ ਦਿੱਤੀ ਕਿ ਉਹ ਕੈਲਗਰੀ ਵਿਚ ਕੈਨੇਡੀਅਨ ਆਰਮਡ ਫੋਰਸਿਜ਼ ਕਮਿਊਨਿਟੀ ਦੇ ਮੈਂਬਰ ਸਨ। ਪੀਬੌਡੀ 48 ਸਾਲ ਦੇ ਸਨ ਅਤੇ ਪੈਦਲ ਅਫਸਰ ਵਜੋਂ ਰਾਜਕੁਮਾਰੀ ਪੈਟਰੀਸ਼ੀਆ ਦੇ ਕੈਨੇਡੀਅਨ ਲਾਈਟ ਇਨਫੈਂਟਰੀ ਲਈ ਸੇਵਾ ਕਰ ਰਹੇ ਸਨ। ਉਹ 2017 ਤੋਂ ਇੱਥੇ ਨੌਕਰੀ ਕਰ ਰਹੇ ਸਨ।

ਇਸ ਤੋਂ ਪਹਿਲਾਂ ਉਹ ਅਫਗਾਨਿਸਤਾਨ ਵਿਚ 2011 ਤੋਂ 2012 ਤੱਕ ਨੌਕਰੀ ਕਰ ਚੁੱਕੇ ਸਨ। 14 ਸਾਲ ਨੌਕਰੀ ਕਰਨ ਦੇ ਬਾਅਦ ਉਹ ਆਪਣੇ ਸ਼ਹਿਰ ਕੈਲਗਰੀ ਵਿਚ ਵਾਪਸ ਆਏ ਸਨ। ਪਿਛਲੇ ਸਾਲ ਜੈਸਪਰ ਜੰਗਲੀ ਅੱਗ ਨਾਲ ਜੂਝਣ ਲਈ ਉਨ੍ਹਾਂ ਨੇ ਸਿਪਾਹੀ ਨੂੰ ਲੀਡ ਕੀਤਾ ਸੀ। 2021 ਵਿਚ ਉਹ ਮਿਲਟਰੀ ਅਜਾਇਬ ਘਰ ਵਿਚ ਕਿਊਰੇਟਰ ਬਣੇ ਸਨ।