9.53C Vancouver 9.53C VancouverJul 2, 2024 5:25 PM - The Canadian Press
ਕੈਲਗਰੀ ਵਾਸੀਆਂ ਲਈ ਖੁਸ਼ਖਬਰੀ ਹੈ ਕਿ ਉਹ ਹੁਣ ਘਰਾਂ ਅੰਦਰ ਪਾਣੀ ਦੀ ਵਰਤੋਂ ਬਿਨਾਂ ਪਾਬੰਦੀਆਂ ਦੇ ਕਰ ਸਕਦੇ ਹਨ। ਸਿਟੀ ਦੀ ਮੇਅਰ ਜੋਤੀ ਗੋਡੇਂਖ ਨੇ ਜਾਣਕਾਰੀ ਦਿੱਤੀ ਕਿ ਕੈਲਗਰੀ ਵਾਸੀ ਘਰਾਂ ਅੰਦਰ ਪਾਣੀ ਦੀ ਵਰਤੋਂ ਨੂੰ ਪਹਿਲਾਂ ਵਾਂਗ ਵਰਤ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ ਫੀਡਰ ਮੇਨ ਪਾਈਪ ਨੂੰ ਠੀਕ ਕਰ ਲਿਆ ਗਿਆ ਹੈ ਅਤੇ ਪਾਣੀ ਦੀ ਸਪਲਾਈ ਠੀਕ ਤਰ੍ਹਾਂ ਹੋ ਰਹੀ ਹੈ।
ਹਾਲਾਂਕਿ ਲੋਕਾਂ ਨੂੰ ਘਰਾਂ ਤੋਂ ਬਾਹਰ ਪਾਣੀ ਦੀ ਵਰਤੋਂ ਸਬੰਧੀ ਕੁਝ ਸਖਤ ਹਿਦਾਇਤਾਂ ਦੀ ਵਰਤੋਂ ਕਰਨੀ ਪਵੇਗੀ। ਮੇਅਰ ਮੁਤਾਬਕ ਅੱਗ ਲਗਾਉਣ ਸਬੰਧੀ ਜਾਰੀ ਬੈਨ ਅਤੇ ਪਾਣੀ ਸਬੰਧੀ ਲੋਕਲ ਸਟੇਟ ਆਫ ਐਮਰਜੈਂਸੀ ਫਿਲਹਾਲ ਲਾਗੂ ਰਹੇਗੀ ਤਾਂ ਕਿ ਲੋਕ ਪਾਣੀ ਦੀ ਦੁਰਵਰਤੋਂ ਨਾ ਕਰਨ।
ਲੋਕਾਂ ਨੂੰ ਵੱਖ-ਵੱਖ ਸਮੇਂ ਦੌਰਾਨ ਕੱਪੜੇ ਧੋਣ ਦੀ ਸਲਾਹ ਦਿੱਤੀ ਗਈ ਹੈ। ਸਿਟੀ ਵਿਚ ਪਾਣੀ ਸਬੰਧੀ ਲਾਗੂ ਪਾਬੰਦੀਆਂ ਸਟੇਜ 4 ਅਧੀਨ ਲਾਗੂ ਹਨ।
ਫੀਡਰ ਲਾਈਨ ਦੀ ਮੁਰੰਮਤ ਦਾ ਕੰਮ ਮੁਕੰਮਲ ਹੈ ਅਤੇ ਸਿਟੀ ਨੇ ਵੀਕਐਂਡ ਦੌਰਾਨ ਪਾਣੀ ਦੀ ਪੂਰੀ ਟੈਸਟਿੰਗ ਕਰ ਲਈ ਹੈ। ਹਾਲਾਂਕਿ ਮਿਉਂਸੀਪਲ ਅਫੇਅਰ ਦੇ ਮੰਤਰੀ ਰਿਕ ਮੈਕਆਈਵਰ ਨੇ ਕਿਹਾ ਕਿ ਸਿਟੀ ਅਜੇ ਵੀ ਪੂਰੀ ਤਰ੍ਹਾਂ ਪਰੇਸ਼ਾਨੀ ਵਿਚੋਂ ਬਾਹਰ ਨਹੀਂ ਨਿਕਲ ਸਕੀ।
