18.09C Vancouver 18.09C VancouverSep 9, 2024 7:25 PM - The Canadian Press
ਕੈਲਗਰੀ ਵਾਸੀਆਂ ਵਲੋਂ ਐਤਵਾਰ ਪਾਣੀ ਦੀ ਵਰਤੋਂ ਤੈਅ ਕੀਤੇ ਲੈਵਲ ਤੋਂ ਵੱਧ ਕਰਨ ਕਰਕੇ ਔਫੀਸ਼ੀਅਲਜ਼ ਨੇ ਚਿੰਤਾ ਜਤਾਈ ਹੈ। ਹਾਲਾਂਕਿ ਇਕ ਦਿਨ ਪਹਿਲਾਂ ਲੋਕਾਂ ਨੇ ਪਾਣੀ ਦੀ ਵਰਤੋਂ ਕਾਫੀ ਘਟਾਈ ਸੀ ਜੋ ਟਾਰਗੇਟ ਦੇ ਨੇੜੇ ਹੀ ਸੀ। ਔਫੀਸ਼ੀਅਲਜ਼ ਵਲੋਂ ਸਿਟੀ ਦੇ ਲੋਕਾਂ ਨੂੰ ਹਰ ਰੋਜ਼ ਕੁੱਲ 485 ਮਿਲੀਅਨ ਲੀਟਰ ਪਾਣੀ ਵਰਤਣ ਦੀ ਸਲਾਹ ਦਿੱਤੀ ਗਈ ਸੀ ਪਰ ਐਤਵਾਰ ਉਨ੍ਹਾਂ ਨੇ 509 ਮਿਲੀਅਨ ਲੀਟਰ ਪਾਣੀ ਵਰਤਿਆ।
ਜਲਵਾਯੂ ਤੇ ਵਾਤਾਵਰਣ ਨਿਰਦੇਸ਼ਕ ਨੇ ਦੱਸਿਆ ਕਿ ਜੇਕਰ ਸਿਟੀ ਵਲੋਂ 485 ਤੋਂ 500 ਮਿਲੀਅਨ ਲੀਟਰ ਦੀ ਵਰਤੋਂ ਕੀਤੀ ਜਾਂਦੀ ਹੈ ਤਾਂ ਇਹ ਯੈਲੋ ਜ਼ੋਨ ਹੋਵੇਗਾ ਜਿਸ ਕਾਰਨ ਅੱਗੇ ਜਾ ਕੇ ਖਤਰਾ ਵੱਧ ਸਕਦਾ ਹੈ।
ਔਫੀਸ਼ੀਅਲਜ਼ ਵਲੋਂ ਲੋਕਾਂ ਨੂੰ ਪਾਣੀ ਦੀ ਵਰਤੋਂ ਘੱਟ ਤੋਂ ਘੱਟ ਕਰਨ ਲਈ ਮੁੜ ਯਾਦ ਕਰਵਾਇਆ ਗਿਆ ਹੈ। ਸਿਟੀ ਵਿਚ ਸਟੇਜ 4 ਦੀਆਂ ਹਿਦਾਇਤਾਂ ਲਾਗੂ ਹਨ। ਲੋਕਾਂ ਨੂੰ ਪਾਣੀ ਦੀ ਵਰਤੋਂ ਬਹੁਤ ਘੱਟ ਕਰਨ ਲਈ ਕਿਹਾ ਗਿਆ ਹੈ।
