ਕੈਲਗਰੀ 'ਚ ਲਾਪਤਾ ਬੱਚੇ ਦੀ ਭਾਲ ਦੌਰਾਨ ਮਿਲ ਰਹੀ ਝੂਠੀ ਜਾਣਕਾਰੀ ਤੋਂ ਪੁਲਿਸ ਪਰੇਸ਼ਾਨ

ਕੈਲਗਰੀ ਪੁਲਿਸ ਮੁਤਾਬਕ ਇੰਟਰਨੈੱਟ ਅਤੇ ਸੋਸ਼ਲ ਮੀਡੀਆ 'ਤੇ ਫੈਲ ਰਹੀ ਝੂਠੀ ਜਾਣਕਾਰੀ ਕਾਰਨ ਪਿਛਲੇ ਹਫ਼ਤੇ ਤੋਂ ਗੁੰਮਸ਼ੁਦਾ 11 ਸਾਲਾ ਬੱਚੇ ਪਾਰਕਰ ਦੀ ਭਾਲ ਵਿੱਚ ਗੰਭੀਰ ਰੁਕਾਵਟਾਂ ਆ ਰਹੀਆਂ ਹਨ।ਪਾਰਕਰ, ਜੋ ਕਿ Autism ਤੋਂ ਪੀੜਤ ਹੈ ਅਤੇ ਬੋਲ ਨਹੀਂ ਸਕਦਾ ਨੂੰ ਆਖਰੀ ਵਾਰ ਲੰਘੇ ਵੀਰਵਾਰ ਨੂੰ ਕੈਲਗਰੀ ਦੇ ਨੌਰਦਰਨ ਖੇਤਰ ਵਿੱਚ ਸਥਿਤ ਉਸ ਦੇ ਦੇਖਭਾਲ ਕੇਂਦਰ ਤੋਂ ਦੇਖਿਆ ਗਿਆ ਸੀ। ਦੁਪਹਿਰ ਲਗਭਗ 12:47 ਵਜੇ ਮੈਕਨਾਈਟ ਬੁਲੇਵਾਰਡ ਅਤੇ ਸੈਂਟਰ ਸਟ੍ਰੀਟ ਨੌਰਥ ਵੈਸਟ ਨੇੜਲੇ ਕੈਮਰੇ ਵਿਚ ਉਸ ਦੀ ਇਕ ਵੀਡੀਓ ਰਿਕੌਰਡ ਹੋਈ ਹੈ।

ਐਕਟਿੰਗ ਸਟਾਫ ਸਾਰਜੈਂਟ ਸਕਾਟ ਗੁਟਰਸਨ ਨੇ ਦੱਸਿਆ ਕਿ Artificial Intelligence ਨਾਲ ਤਿਆਰ ਕੀਤੀਆਂ ਗਈਆਂ ਨਕਲੀ ਤਸਵੀਰਾਂ, ਵੀਡੀਓਜ਼ ਅਤੇ ਗਲਤ ਖ਼ਬਰਾਂ ਇੰਟਰਨੈੱਟ 'ਤੇ ਸ਼ੇਅਰ ਕੀਤੀਆਂ ਜਾ ਰਹੀਆਂ ਹਨ।

ਪੁਲਿਸ ਅਨੁਸਾਰ ਅਜਿਹੀ ਝੂਠੀ ਜਾਣਕਾਰੀ ਦੀ ਜਾਂਚ ਕਰਨ ਵਿੱਚ ਉਹ ਸਾਧਨ ਅਤੇ ਸਮਾਂ ਬਰਬਾਦ ਹੁੰਦਾ ਹੈ ਜੋ ਬੱਚੇ ਦੀ ਭਾਲ ਵਿੱਚ ਵਰਤੇ ਜਾਣੇ ਚਾਹੀਦੇ ਹਨ। ਪੁਲਿਸ ਨੂੰ ਹੁਣ ਤੱਕ ਆਮ ਜਨਤਾ ਵੱਲੋਂ ਲਗਭਗ 175 ਟਿਪਸ ਮਿਲੀਆਂ ਹਨ, ਜਿਨ੍ਹਾਂ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।