ਕੈਲਗਰੀ 'ਚ ਘਰ ਦੇਖਣ ਬਹਾਨੇ ਔਰਤ ਨੂੰ ਮਾਰਨ ਦੀ ਕੋਸ਼ਿਸ਼, ਹਮਲਾਵਰ ਦੀ ਮੌਤ

ਕੈਲਗਰੀ ਦੇ ਐਜਮੋਂਟ ਵਿਚ ਕਤਲ ਹੋਏ ਵਿਅਕਤੀ ਦੀ ਪਛਾਣ 49 ਸਾਲਾ ਸ਼ਹਬਾਜ਼ ਅਹਿਮਦ ਵਜੋਂ ਹੋਈ ਹੈ। ਪੁਲਿਸ ਮੁਤਾਬਕ 9 ਜਨਵਰੀ ਨੂੰ ਸ਼ਾਮ ਕਰੀਬ 4 ਵਜੇ ਉਨ੍ਹਾਂ ਨੂੰ ਐਜਮੋਂਟ ਕੋਰਟ ਨੌਰਥ ਵੈਸਟ ਦੇ 0 to 100 ਬਲਾਕ ਦੇ ਇਕ ਘਰ ਵਿਚ ਬੁਲਾਇਆ ਗਿਆ ਸੀ।ਜਦ ਔਫੀਸਰਜ਼ ਉੱਥੇ ਪੁੱਜੇ ਤਾਂ ਦੋਵੇਂ ਜ਼ਖਮੀ ਹਾਲਤ ਵਿਚ ਸਨ, ਵਿਅਕਤੀ ਨੇ ਉੱਥੇ ਹੀ ਦਮ ਤੋੜ ਦਿੱਤਾ ਅਤੇ ਔਰਤ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ।

ਬੀਤੇ ਦਿਨ ਸਟਾਫ ਸਾਰਜੈਂਟ ਸਕਾਟ ਗੁਟਰਸਨ ਨੇ ਪੁਸ਼ਟੀ ਕੀਤੀ ਕਿ ਅਹਿਮਦ ਨੇ ਪ੍ਰੋਪਰਟੀ ਦੇਖਣ ਦਾ ਝਾਂਸਾ ਦੇ ਕੇ ਔਰਤ ਨੂੰ ਬੁਲਾਇਆ ਸੀ, ਉਹ ਆਪਣੇ ਪਿਤਾ ਨਾਲ ਇੱਥੇ ਆਈ ਸੀ। ਘਰ ਵੱਡਾ ਸੀ ਅਤੇ ਜਿਵੇਂ ਹੀ ਅਹਿਮਦ ਨੇ ਔਰਤ ਨੂੰ ਇਕੱਲੀ ਦੇਖਿਆ ਉਸ 'ਤੇ ਹਮਲਾ ਕਰ ਦਿੱਤਾ।

ਅਹਿਮਦ ਨੇ ਉਸ ਨੂੰ ਬਹੁਤ ਬੁਰੀ ਤਰ੍ਹਾਂ ਕੁੱਟਿਆ ਮਾਰਿਆ ਪਰ ਔਰਤ ਨੇ ਆਪਣੀ ਜਾਨ ਬਚਾਉਣ ਲਈ ਉਸ ਦਾ ਕਤਲ ਕੀਤਾ।ਜਦ ਉਹ ਮਦਦ ਲਈ ਬਾਹਰ ਨਿਕਲੀ ਤਾਂ ਇਕ ਗੁਆਂਢੀ ਨੇ ਉਸ ਨੂੰ ਦੇਖ ਕੇ ਪੁਲਿਸ ਨੂੰ ਬੁਲਾਇਆ। ਉਨ੍ਹਾਂ ਦੱਸਿਆ ਕਿ ਔਰਤ ਅਤੇ ਵਿਅਕਤੀ ਵਿਚਕਾਰ ਕੋਈ ਰਿਸ਼ਤਾ ਨਹੀਂ ਸੀ ਅਤੇ ਉਸ ਨੇ ਆਪਣੀ ਜਾਨ ਬਚਾਉਣ ਲਈ ਇਹ ਕਦਮ ਚੁੱਕਿਆ, ਇਸ ਲਈ ਉਸ ਨੂੰ ਚਾਰਜ ਨਹੀਂ ਕੀਤਾ ਗਿਆ।