16.63C Vancouver 16.63C VancouverJun 25, 2025 4:38 PM - The Canadian Press
ਕੈਲਗਰੀ ਵਿੱਚ ਹੋਣ ਵਾਲੇ ਸਟੈਂਪੀਡ ਵਿੱਚ ਘੋੜਿਆਂ ਅਤੇ ਬਲਦਾਂ ਦੀ ਸੁਰੱਖਿਆ ਨੂੰ ਲੈ ਕੇ ਇਸ ਸਾਲ ਕਈ ਉਪਰਾਲੇ ਕੀਤੇ ਜਾ ਰਹੇ ਹਨ। ਜਾਨਵਰਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਸ ਵਾਰ ਸਟੈਂਪੀਡ ਵਿੱਚ ਛਾਂਦਾਰ ਥਾਵਾਂ ਦੇ ਪ੍ਰਬੰਧ ਕਰਨ ਲਈ ਟੈਂਟ ਲਗਾਏ ਜਾ ਰਹੇ ਹਨ ਅਤੇ ਘੋੜਿਆਂ ਦੀ ਸਿਹਤ ਨੂੰ ਚੈੱਕ ਕਰਨ ਲਈ ਛੋਟੇ ਇਲੈਕਟ੍ਰੋਕਾਰਡੀਓਗ੍ਰਾਮ ਦੀ ਵਰਤੋਂ ਕੀਤੀ ਜਾਵੇਗੀ।
ਪਿਛਲੇ ਸਾਲ ਤੇਜ਼ ਗਰਮੀ ਕਾਰਨ ਇਸ ਇਵੈਂਟ ਵਿਚ ਸ਼ਾਮਲ ਚਾਰ ਜਾਨਵਰਾਂ ਦੀ ਮੌਤ ਹੋ ਗਈ ਸੀ, ਜਿਸ ਦੇ ਚੱਲਦਿਆਂ ਇਹ ਫੈਸਲਾ ਲਿਆ ਗਿਆ ਹੈ।
ਦੱਸ ਦੇਈਏ ਕਿ ਇਹ ਇਵੈਂਟ 4 ਤੋਂ 13 ਜੁਲਾਈ ਤੱਕ ਚੱਲਣਾ ਹੈ। ਕੈਲਗਰੀ ਯੂਨੀਵਰਸਿਟੀ ਵਿਚ ਵੈਟਰਨਰੀ ਮੈਡੀਸਨ ਦੇ ਪ੍ਰੋਫੈਸਰ ਈਡੀ ਪਜੋਰ ਮੁਤਾਬਕ ਦੌੜ ਤੋਂ ਬਾਅਦ ਬਲਦਾਂ ਵਿੱਚ ਸਾਹ ਦੀ ਗਤੀ ਦਾ ਜ਼ਿਆਦਾ ਵੱਧ ਜਾਣਾ ਬੇਆਰਾਮੀ ਦਾ ਸੰਕੇਤ ਹੁੰਦੇ ਹਨ।
ਇਸ ਲਈ ਬਲਦਾਂ ਦੀ ਦੌੜ ਤੋਂ ਪਹਿਲਾਂ ਉਨ੍ਹਾਂ ਨੂੰ ਛਾਂ ਵਿੱਚ ਰੱਖਿਆ ਜਾਵੇਗਾ। ਘੋੜਿਆਂ ਵਿੱਚ ਖੂਨ ਦੇ ਵਹਾਅ ਦੇ ਤੇਜ਼ ਹੋਣ ਕਾਰਨ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪੈਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ।
