21.03C Vancouver 21.03C VancouverJan 7, 2026 4:25 PM - Connect Newsroom - Jasmine Singh with files from The Canadian Press
ਕੈਲਗਰੀ ਦੀ ਇਕ ਉੱਚੀ ਇਮਾਰਤ ਦੀ ਬਾਲਕੋਨੀ ਤੋਂ ਭਾਰੀ ਟ੍ਰੈਫਿਕ ਪਾਈਲਨ ਹੇਠਾਂ ਸੁੱਟਣ ਵਾਲੀ 28 ਸਾਲਾ ਔਰਤ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਹੈ ।ਜਾਣਕਾਰੀ ਮੁਤਾਬਕ ਸ਼ਨੀਵਾਰ ਨੂੰ ਦੁਪਹਿਰ ਸਮੇਂ ਡਾਊਨਟਾਊਨ ਖੇਤਰ ਵਿੱਚ 3rd ਸਟ੍ਰੀਟ ਸਾਊਥ ਈਸਟ ਵਿਖੇ ਸਥਿਤ ਇਕ ਅਪਾਰਟਮੈਂਟ ਦੀ 14ਵੀਂ ਮੰਜ਼ਿਲ ਤੋਂ ਔਰਤ ਨੇ ਲਗਭਗ 13 ਪੌਂਡ ਦੇ ਭਾਰ ਵਾਲਾ ਟ੍ਰੈਫਿਕ ਡੀਲੀਨੇਟਰ ਪਾਈਲਨ ਹੇਠਾਂ ਸੁੱਟਿਆ।
ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਤੁਰੰਤ ਕਾਰਵਾਈ ਕੀਤੀ ਅਤੇ ਉਸ ਨੂੰ ਕੈਲਹੌਨ ਕ੍ਰੇਸੈਂਟ ਨੌਰਥ ਈਸਟ ਵਿਚ ਉਸ ਦੇ ਘਰੋਂ ਹਿਰਾਸਤ ਵਿਚ ਲਿਆ। ਸਟਾਫ ਸਾਰਜੈਂਟ ਪਾਲ ਰਾਲਸਟਿਨ ਨੇ ਇਸ ਹਰਕਤ ਨੂੰ ਬੇਹੱਦ ਖ਼ਤਰਨਾਕ ਦੱਸਦੇ ਹੋਏ ਕਿਹਾ ਕਿ ਕੁਝ ਲੋਕ ਇਸ ਨੂੰ ਸਿਰਫ਼ ਪ੍ਰੈਂਕ ਸਮਝਦੇ ਹਨ ਪਰ ਇਹ ਇੱਕ ਗੰਭੀਰ ਅਪਰਾਧ ਹੈ। ਇਸ ਦੌਰਾਨ ਕਿਸੇ ਦੇ ਵੀ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ।
ਗ੍ਰਿਫ਼ਤਾਰ ਕੀਤੀ ਗਈ ਔਰਤ 'ਤੇ ਜ਼ਿੰਦਗੀ ਲਈ ਖਤਰਨਾਕ ਸਾਬਤ ਹੋਣ ਵਾਲੀ ਸ਼ਰਾਰਤ (ਮਿਸਚੀਫ ਕੌਸੀਨ ਡੇਜਰ ਟੂ ਲਾਈਫ) ਦਾ ਦੋਸ਼ ਲਗਾਇਆ ਗਿਆ ਹੈ। ਪੁਲਿਸ ਨੇ ਫਿਲਹਾਲ ਔਰਤ ਦੇ ਨਾਂ ਦਾ ਖੁਲਾਸਾ ਨਹੀਂ ਕੀਤਾ ।
