11.32C Vancouver 11.32C VancouverDec 19, 2024 6:13 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਦੇ ਕਾਰੋਬਾਰੀ ਕੌਂਸਲ ਨੇ ਸੂਬੇ ਤੋਂ ਐਲਬਰਟਾ ਵਿਚ ਜਾ ਰਹੇ ਹੁਨਰਮੰਦ ਮਜ਼ਦੂਰ ਦੇ ਪ੍ਰਵਾਸ ਨੂੰ ਰੋਕਣ ਲਈ ਇੱਕ ਜਾਗਰੂਕਤਾ ਮੁਹਿੰਮ ਲਾਂਚ ਕੀਤੀ ਹੈ। ਇਸ ਨੂੰ ‘ਸਟੇਅ ਵਿਦ ਬੀ.ਸੀ. ਕੰਪੇਨ’ ਨਾਮ ਦਿੱਤਾ ਗਿਆ ਹੈ, ਜਿਸ ਦਾ ਉਦੇਸ਼ ਕਰਮਚਾਰੀਆਂ ਨੂੰ ਬੀ. ਸੀ. ਵਿਚ ਰੱਖਣਾ ਹੈ। ਬ੍ਰਿਟਿਸ਼ ਕੋਲੰਬੀਆ ਦੀ ਬਿਜ਼ਨਸ ਕੌਂਸਲ ਵਲੋਂ ਇਸ ਮੁਹਿੰਮ ਤਹਿਤ ਵੈਨਕੂਵਰ, ਵਿਕਟੋਰੀਆ, ਕੇਲੋਨਾ ਅਤੇ ਪ੍ਰਿੰਸ ਜਾਰਜ ਦੇ ਬਿਲਬੋਰਡ ਅਤੇ ਆਵਾਜਾਈ ਸਟਾਪ ’ਤੇ ਇਸ਼ਤਿਹਾਰਾਂ ਦੇ ਨਾਲ-ਨਾਲ ਆਨਲਾਈਨ ਵੀ ਮੁਹਿੰਮ ਚਲਾਈ ਜਾ ਰਹੀ ਹੈ।
ਗੌਰਤਲਬ ਹੈ ਕਿ ਸਟੈਟਿਸਟਿਕਸ ਕੈਨੇਡਾ ਦੇ ਅੰਕੜਿਆਂ ਮੁਤਾਬਕ, 2023 ਵਿਚ ਬੀ. ਸੀ. ਵਿਚ ਜਿੰਨੇ ਲੋਕ ਆਏ ਉਸ ਤੋਂ ਵੱਧ ਲੋਕਾਂ ਨੇ ਸੂਬਾ ਛੱਡ ਦਿੱਤਾ, ਇਸ ਦੌਰਾਨ 8,624 ਨੇ ਕੈਨੇਡਾ ਦੇ ਹੋਰ ਸੂਬਿਆਂ ਵਿਚ ਪ੍ਰਵਾਸ ਕੀਤਾ। ਬੀ.ਸੀ. ਛੱਡਣ ਵਾਲੇ ਵਰਕਰਜ਼ ਲਈ ਐਲਬਰਟਾ ਸਭ ਤੋਂ ਲੋਕਪ੍ਰਿਯ ਸੂਬਾ ਸੀ।
ਦਰਅਸਲ, ਐਲਬਰਟਾ ਸੂਬੇ ਨੇ ਹੁਨਰਮੰਦ ਮਜ਼ਦੂਰਾਂ ਲਈ 2022 ਵਿਚ ਐਲਬਰਟਾ ਇਸ ਕਾਲਿੰਗ ਕੰਪੇਨ ਲਾਂਚ ਕੀਤੀ ਸੀ। ਹੁਣ ਇਸੇ ਤਰਜ ’ਤੇ ਵਰਕਰਜ਼ ਨੂੰ ਸੂਬਾ ਛੱਡਣ ਤੋਂ ਰੋਕਣ ਲਈ ਬ੍ਰਿਟਿਸ਼ ਕੋਲੰਬੀਆ ਦੇ ਕਾਰੋਬਾਰੀ ਕੌਂਸਲ ਨੇ ‘ਸਟੇਅ ਵਿਦ ਬੀ.ਸੀ. ਕੰਪੇਨ’ ਚਲਾਈ ਗਈ ਹੈ।
