15.87C Vancouver 15.87C VancouverFeb 28, 2022 9:24 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਰੂਸ ਵੱਲੋਂ ਯੂਕਰੇਨ 'ਤੇ ਕੀਤੇ ਹਮਲੇ ਵਿਚਾਲੇ ਯੂਕਰੇਨ ਦੀ ਮਦਦ ਲਈ ਕੁਝ ਹੋਰ ਐਲਾਨ ਕੀਤੇ ਹਨ।
ਉਨ੍ਹਾਂ ਕਿਹਾ ਕਿ ਯੂਕਰੇਨ ਲਈ ਵਧੇਰੇ ਹਥਿਆਰਾਂ ਦੀ ਮਦਦ ਭੇਜੀ ਜਾ ਰਹੀ ਹੈ।
ਇਸ 'ਚ ਐਂਟੀ ਟੈਂਕ ਹਥਿਆਰ ਵੀ ਸ਼ਾਮਿਲ ਦੱਸੇ ਗਏ। ਉਨ੍ਹਾਂ ਕਿਹਾ ਕਿ ਸਾਰਾ ਵਿਸ਼ਵ ਯੂਕਰੇਨ ਦੀ ਰਿਜ਼ਿਸਟੈਂਸ ਤੋਂ ਪ੍ਰੇਰਿਤ ਹੈ।
ਉਨ੍ਹਾਂ ਕਿਹਾ ਕਿ ਯੂਕਰੇਨ ਲਈ ਬੌਡੀ ਆਰਮਰ ਅਤੇ ਨਾਈਟ ਵਿਜਨ ਗੌਗਲਸ ਜਿਹੇ ਹਥਿਆਰ ਪਹਿਲਾਂ ਹੀ ਯੂਕਰੇਨ ਭੇਜੇ ਜਾ ਰਹੇ ਹਨ।
ਟਰੂਡੋ ਨੇ ਕਿਹਾ ਕਿ ਸ਼ੁੱਕਰਵਾਰ ਨੂੰ ਰੂਸ ਨੂੰ ਸਵਿਫਟ ਪੇਮੈਂਟ ਸਿਸਟਮ ਤੋਂ ਬਾਹਰ ਕਰਨ ਦੇ ਫੈਸਲੇ ਤੋਂ ਬਾਅਦ, ਅੱਜ ਰੂਸ ਦੇ ਕੇਂਦਰੀ ਬੈਂਕ ਨੂੰ ਵੀ ਝਟਕਾ ਦਿੱਤਾ ਗਿਆ ਹੈ।
ਇਸ ਬੈਂਕ ਦੇ ਅੰਤਰਰਾਸ਼ਟਰੀ ਰਿਜ਼ਰਵ ਫ੍ਰੀਜ ਕੀਤੇ ਜਾ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਸਾਡਾ ਸੁਨੇਹਾ ਸਪਸ਼ਟ ਹੈ ਕਿ ਇਸ ਬੇਲੋੜੀ ਜੰਗ ਨੂੰ ਤੁਰੰਤ ਰੋਕਿਆ ਜਾਵੇ।
ਉਨ੍ਹਾਂ ਕਿਹਾ ਕਿ ਇਸ ਹਮਲੇ ਲਈ ਜਿੰਮੇਵਾਰੀ ਲੋਕਾਂ ਦੀ ਜਵਾਬਦੇਹੀ ਤੈਅ ਕੀਤੀ ਜਾਵੇਗੀ।
ਟਰੂਡੋ ਨੇ ਕਿਹਾ ਕਿ ਸੀ.ਆਰ.ਟੀ.ਸੀ. ਨੂੰ ਵੀ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਦੇਸ਼ ਵਿੱਚ ਰੂਸ ਦੇ ਨੈਟਵਰਕ ਆਰ.ਟੀ. ਯਾਨੀ ਕਿ ਰਸ਼ੀਆ ਟੁਡੇ 'ਤੇ ਰੋਕ ਲਗਾਈ ਜਾਵੇ।
