20.05C Vancouver 20.05C VancouverApr 22, 2021 9:42 PM -
ਕੈਨੇਡਾ ਆਉਂਦੀਆਂ ਭਾਰਤ ਅਤੇ ਪਾਕਿਸਤਾਨ ਦੀਆਂ ਫਲਾਈਟਸ 'ਤੇ 30 ਦਿਨਾਂ ਲਈ ਪਬੰਦੀ ਲਗਾਉਣ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਭਾਰਤ 'ਚ ਵਧਦੇ ਕੋਵਿਡ-19 ਦੇ ਮਾਮਲਿਆਂ ਵਿਚਾਲੇ ਖੜੇ ਹੋਏ ਆਊਟਬ੍ਰੇਕ ਦੇ ਖਤਰੇ ਕਾਰਨ ਇਹ ਫੈਸਲਾ ਲਿਆ ਜਾ ਰਿਹਾ ਹੈ।
ਦੇਸ਼ ਦੇ ਟਰਾਂਸਪੋਰਟ ਮੰਤਰੀ ਉਮਰ ਅਲਘਾਬਰਾ ਨੇ ਕਿਹਾ ਕਿ ਵੇਰੀਐਂਟਸ ਆਫ ਕੰਸਰਨ ਦੇ ਵਧਦੇ ਖਤਰੇ ਕਾਰਨ ਵਧੇਰੇ ਅੰਤਰਰਾਸ਼ਟਰੀ ਪਬੰਦੀਆਂ ਲਗਾਈਆਂ ਜਾ ਰਹੀਆਂ ਹਨ।
ਅੱਜ ਰਾਤ 11.30 ਵਜੇ ਤੋਂ ਭਾਰਤ ਅਤੇ ਪਾਕਿਸਤਾਨ ਤੋਂ ਆਉਂਦੀਆਂ ਸਾਰੀਆਂ ਡਾਇਰੈਕਟ ਪ੍ਰਾਈਵੇਟ ਅਤੇ ਕਮਰਸ਼ਲ ਫਲਾਈਟਸ ਨੂੰ ਬੈਨ ਕੀਤਾ ਜਾ ਰਿਹਾ ਹੈ।
ਹਾਲਾਂਕਿ ਕਾਰਗੋ ਫਲਾਈਟ ਦੀ ਆਵਾਜਾਈ ਜਾਰੀ ਰੱਖੀ ਜਾਵੇਗੀ ਤਾਂ ਜੋ ਵੈਕਸੀਨ ਸਪਲਾਈ ਅਤੇ ਹੋਰ ਪੀ.ਪੀ.ਈ. ਸਪਲਾਈ ਜਾਰੀ ਰਹੇ।
ਸਿਹਤ ਮੰਤਰੀ ਪੈਟੀ ਹਾਏਡੁ ਨੇ ਕਿਹਾ ਕਿ ਬਾਰਡਰ 'ਤੇ ਹੋ ਰਹੇ ਕੋਵਿਡ-19 ਟੈਸਟਸ 'ਚ 50% ਮਾਮਲੇ ਭਾਰਤ ਨਾਲ ਸੰਬੰਧਤ ਪਾਏ ਜਾ ਰਹੇ ਹਨ ਜਦਕਿ ਫਲਾਈਟਸ ਸੰਬੰਧੀ ਯਾਤਰਾ 'ਚ ਹਾਲ ਦੇ ਦਿਨਾਂ 'ਚ ਭਾਰਤੀਆਂ ਦੀ ਗਿਣਤੀ 20% ਦੀ ਰਹੀ ਹੈ।
ਉਨ੍ਹਾਂ ਨਾਲ ਹੀ ਭਾਰਤ ਅਤੇ ਪਾਕਿਸਤਾਨ 'ਚ ਬਣੇ ਕੋਵਿਡ-19 ਦੇ ਮੁਸ਼ਕਿਲ ਹਾਲਾਤਾਂ ਲਈ ਕਿਹਾ ਕਿ ਦੋਵਾਂ ਦੇਸ਼ਾਂ ਦੇ ਨਾਗਰਿਕ ਉਨ੍ਹਾਂ ਦੇ ਦਿਲ 'ਚ ਹਨ।
