17.69C Vancouver 17.69C VancouverMar 17, 2022 7:32 PM - The Canadian Press
ਕੈਨੇਡਾ ਦੇ ਇਮੀਗ੍ਰੇਸ਼ਨ ਮੰਤਰੀ ਸ਼ੌਨ ਫਰੇਜ਼ਰ ਦਾ ਕਹਿਣਾ ਹੈ ਕਿ ਯੂਕਰੇਨ ਦੇ ਲੋਕਾਂ ਨੂੰ ਕੈਨੇਡਾ ਪਹੁੰਚਣ ਲਈ ਇਜਾਜਤ ਦੇਣੀ ਸ਼ੁਰੂ ਕੀਤੀ ਜਾ ਰਹੀ ਹੈ।
ਰੂਸ ਵੱਲੋਂ ਕੀਤੇ ਜਾ ਰਹੇ ਹਮਲੇ ਵਿਚਾਲੇ ਜੰਗੀ ਹਾਲਾਤਾਂ ਤੋਂ ਬਚ ਕੇ ਨਿਕਲ ਰਹੇ ਯੂਕਰੇਨ ਦੇ ਲੋਕਾਂ ਲਈ ਕੈਨੇਡਾ ਦੇ ਦਰਵਾਜੇ 3 ਸਾਲ ਲਈ ਖੋਲ੍ਹੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ ਤੋਂ ਪਹਿਲਾਂ ਯੂਕਰੇਨ ਦੇ ਲੋਕਾਂ ਲਈ ਕੈਨੇਡਾ 'ਚ 2 ਸਾਲ ਤਕ ਰਹਿਣ ਦੀ ਇਜਾਜਤ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਸੀ ਪਰ ਹੁਣ ਇਸ 'ਚ ਇੱਕ ਸਾਲ ਦਾ ਵਾਧਾ ਕੀਤਾ ਗਿਆ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਐਪਲੀਕੇਸ਼ਨਸ ਨੂੰ ਸਟੈਂਡਰਡ ਅਤੇ ਨੌਨ-ਕੰਪਲੈਕਸ ਮਾਮਲਿਆਂ 'ਚ ਪ੍ਰੋਸੈਸ ਕਰਨ ਲਈ 2 ਹਫ਼ਤੇ ਦਾ ਸਮਾਂ ਲੱਗੇਗਾ।
ਯੂ.ਐਨ. ਰਿਫਿਊਜੀ ਏਜੈਂਸੀ ਦਾ ਕਹਿਣਾ ਹੈ ਕਿ ਯੂਕਰੇਨ ਤੋਂ 3 ਮਿਲੀਅਨ ਲੋਕ ਦੇਸ਼ ਛੱਡਣ ਲਈ ਮਜਬੂਰ ਹੋ ਚੁੱਕੇ ਹਨ।
ਇਸ 'ਚ ਬਹੁਤੀ ਗਿਣਤੀ ਔਰਤਾਂ, ਬੱਚਿਆਂ ਅਤੇ ਬਜੁਰਗਾਂ ਦੀ ਦੱਸੀ ਗਈ ਹੈ।
