10.19C Vancouver 10.19C VancouverFeb 24, 2022 8:12 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਰੂਸ ਵੱਲੋਂ ਯੂਕਰੇਨ 'ਤੇ ਕੀਤੇ ਗਏ ਹਮਲੇ ਵਿਚਾਲੇ ਸਖਤ ਤੇਵਰ ਵਿਖਾਉਂਦੇ ਹੋਏ ਰੂਸ 'ਤੇ ਵਧੇਰੇ ਸੈਂਕਸ਼ਨਸ ਲਗਾਉਣ ਦਾ ਐਲਾਨ ਕੀਤਾ ਹੈ।
ਨਵੀਆਂ ਸੈਂਕਸ਼ਨਸ 'ਚ ਰੂਸ ਨਾਲ ਜੁੜੇ 58 ਲੋਕਾਂ ਅਤੇ ਐਂਟੀਟੀਸ ਨੂੰ ਨਿਸ਼ਾਨੇ 'ਤੇ ਲਿਆ ਜਾਵੇਗਾ।
ਇਸ 'ਚ ਰੂਸ ਦੇ ਕੁਝ ਐਲੀਟ ਲੋਕ ਅਤੇ ਉਨ੍ਹਾਂ ਦੇ ਪਰਿਵਾਰ ਵੀ ਸ਼ਾਮਿਲ ਹਨ।
ਇਸ 'ਚ ਵੈਗਨਰ ਗਰੁੱਪ ਵੱਲੋਂ ਜਾਣੀ ਜਾਂਦੀ ਰੂਸ ਦੀ ਪਾਰਲੀਅਮੈਂਟਰੀ ਔਰਗੇਨਾਈਜੇਸ਼ਨ ਅਤੇ ਰੂਸ ਦੇ ਅਹਿਮ ਬੈਂਕ ਵੀ ਸ਼ਾਮਿਲ ਹਨ।
ਇਹ ਸੈਂਕਸ਼ਨ ਟਰੂਡੋ ਵੱਲੋਂ ਵਰਚੁਅਲ ਢੰਗ ਨਾਲ ਜੀ-7 ਬੈਠਕ 'ਚ ਸ਼ਾਮਿਲ ਹੋਣ ਤੋਂ ਬਾਅਦ ਲਗਾਏ ਗਏ ਹਨ।
ਪਬੰਦੀਆਂ ਦਾ ਸਾਹਮਣਾ ਰੂਸ ਦੀ ਸਿਕਿਉਰਿਟੀ ਕਾਉਂਸਿਲ ਅਤੇ ਕਈ ਅਹਿਮ ਕੈਬਿਨੇਟ ਮੈਂਬਰਾਂ ਨੂੰ ਵੀ ਕਰਨਾ ਪਵੇਗਾ।
ਕੈਨੇਡਾ ਵੱਲੋਂ ਰੂਸ ਲਈ ਮੌਜੂਦਾ ਐਕਸਪੋਰਟ ਪਰਮਿਟ ਵੀ ਰੱਦ ਕੀਤੇ ਜਾ ਰਹੇ ਹਨ ਅਤੇ ਨਵੇਂ ਪਰਮਿਟ ਜਾਰੀ ਨਹੀਂ ਕੀਤੇ ਜਾਣਗੇ।
ਟਰੂਡੋ ਨੇ ਕਿਹਾ ਕਿ ਫੈਡਰਲ ਸਰਕਾਰ ਯੁਕ੍ਰੇਨੀਅਨ ਲੋਕਾਂ ਦੀਆਂ ਇਮੀਗ੍ਰੇਸ਼ਨ ਐਪਲੀਕੇਸ਼ਨਸ ਨੂੰ ਵੀ ਤਰਜੀਹ ਦਵੇਗੀ ਅਤੇ ਇੱਕ ਖਾਸ ਟੈਲੀਫੋਨ ਲਾਈਨ ਸ਼ੁਰੂ ਕੀਤੀ ਜਾ ਰਹੀ ਹੈ ਜਿਸ ਆਸਰੇ ਯੂਕਰੇਨ ਤੋਂ ਕੈਨੇਡਾ ਦੀ ਇਮੀਗਰੇਸ਼ਨ ਸੰਬੰਧੀ ਸਵਾਲ ਕੀਤੇ ਜਾ ਸਕਦੇ ਹਨ।
ਉਨ੍ਹਾਂ ਦੱਸਿਆ ਕਿ ਕੈਨੇਡਾ ਨੇ ਯੂਕਰੇਨ 'ਚ ਫਸੇ ਕਨੇਡੀਅਨ ਨਾਗਰਿਕਾਂ ਅਤੇ ਪਰਮਾਨੈਂਟ ਰੈਜ਼ੀਡੈਂਟਸ ਲਈ ਪੋਲੈਂਡ, ਸਲੋਵਾਕੀਆ, ਹੰਗਰੀ, ਰੋਮਾਨੀਆ ਅਤੇ ਮੌਲਡੋਵਾ ਲਈ ਸੁਰੱਖਿਅਤ ਪੈਸੇਜ ਦਾ ਪ੍ਰਬੰਧ ਕੀਤਾ ਹੈ।
