22.73C Vancouver 22.73C VancouverOct 12, 2023 6:12 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕੈਨੇਡਾ ਇਜ਼ਰਾਈਲ ਅਤੇ ਗਾਜ਼ਾ ਪੱਟੀ ਵਿੱਚ ਫੌਰੀ ਲੋੜਾਂ ਲਈ ਮਾਨਵਤਾਵਾਦੀ ਸਹਾਇਤਾ ਵਜੋਂ $10 ਮਿਲੀਅਨ ਦੇ ਰਿਹਾ ਹੈ।
ਇਸਦੇ ਨਾਲ ਹੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਕੈਨੇਡੀਅਨ ਨਾਗਰਿਕਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਇਜ਼ਰਾਈਲ ਤੋਂ ਬਾਹਰ ਕੱਢਣ ਵਾਲੀ ਪਹਿਲੀ ਕੈਨੇਡੀਅਨ ਆਰਮਡ ਫੋਰਸਿਜ਼ ਨਿਕਾਸੀ ਉਡਾਣ ਏਥਨਜ਼ ਵਿੱਚ ਸੁਰੱਖਿਅਤ ਉੱਤਰ ਗਈ ਹੈ, ਜਿਸ ਵਿੱਚ ਲਗਭਗ 130 ਯਾਤਰੀ ਸਵਾਰ ਸਨ।
ਦੱਸ ਦਈਏ ਕਿ ਇਜ਼ਰਾਇਲ ਵਿੱਚ ਮੌਜੂਦ 700 ਦੇ ਕਰੀਬ ਕੈਨੇਡੀਅਨਜ਼ ਨੇ ਸਰਕਾਰ ਨੂੰ ਉੱਥੋਂ ਕੱਢਣ ਲਈ ਮਦਦ ਦੀ ਗੁਹਾਰ ਲਗਾਈ ਸੀ।
ਕੈਨੇਡਾ ਆਮ ਤੌਰ 'ਤੇ ਜਦੋਂ ਵਪਾਰਕ ਉਡਾਣਾਂ ਚੱਲ ਰਹੀਆਂ ਹੋਣ ਤਾਂ ਫੌਜੀ ਹਵਾਈ ਆਵਾਜਾਈ ਪ੍ਰਦਾਨ ਨਹੀਂ ਕਰਦਾ, ਪਰ ਉੱਥੇ ਫਸੇ ਲੋਕਾਂ ਦਾ ਕਹਿਣਾ ਹੈ ਕਿ ਕਮਰਸ਼ੀਅਲ ਉਡਾਣਾਂ ਦੀਆਂ ਟਿਕਟਾਂ ਪ੍ਰਾਪਤ ਕਰਨ ਵਿੱਚ ਮੁਸ਼ਕਲ ਹੋ ਰਹੀ ਹੈ, ਜਿਸ ਕਰਕੇ ਸਰਕਾਰ ਨੇ ਲੋਕਾਂ ਨੂੰ ਏਅਰਲਿਫ਼ਟ ਕਰਨ ਦਾ ਫ਼ੈਸਲਾ ਕੀਤਾ ਹੈ।
ਰਾਇਲ ਕੈਨੇਡੀਅਨ ਏਅਰ ਫੋਰਸ ਦੀ ਦੂਜੀ ਉਡਾਣ ਅੱਜ ਸ਼ਾਮ ਅਤੇ ਤੀਜੀ ਸ਼ੁੱਕਰਵਾਰ ਦੁਪਹਿਰ ਨੂੰ ਭੇਜੀ ਜਾਵੇਗੀ।
