14.28C Vancouver 14.28C VancouverAug 22, 2023 6:14 PM - Connect News
ਕੈਨੇਡਾ ਸਰਕਾਰ ਹਾਊਸਿੰਗ ਸੰਕਟ ਨਾਲ ਨਜਿੱਠਣ ਲਈ ਇੰਟਰਨੈਸ਼ਨਲ ਸਟੂਡੈਂਟ ਵੀਜ਼ਾ 'ਤੇ ਕੈਪ ਲਗਾਉਣ ਦਾ ਵਿਚਾਰ ਕਰ ਰਹੀ ਹੈ।
ਸਾਬਕਾ ਇਮੀਗ੍ਰੇਸ਼ਨ ਮਿਨਿਸਟਰ ਸ਼ੌਨ ਫਰੇਜ਼ਰ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਇਹ ਜਾਣਕਾਰੀ ਦਿੱਤੀ।
ਸੋਮਵਾਰ ਨੂੰ ਸ਼ਾਰਲੈਟਟਾਊਨ ਵਿਚ ਉਨ੍ਹਾਂ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਿਹਾ ਕਿ ਹਾਊਸਿੰਗ ਮਾਰਕਿਟ 'ਤੇ ਦਬਾਅ ਨੂੰ ਘੱਟ ਕਰਨ ਲਈ ਇੰਟਰਨੈਸ਼ਨਲ ਸਟੂਡੈਂਟਸ ਦੀ ਗਿਣਤੀ 'ਤੇ ਕੈਪ ਲਗਾਉਣਾ ਉਨ੍ਹਾਂ ਵਿਕਲਪਾਂ ਵਿਚੋਂ ਇੱਕ ਹੈ ਜਿਸ ਉੱਤੇ ਉਹਨਾਂ ਨੂੰ ਵਿਚਾਰ ਕਰਨਾ ਚਾਹੀਦਾ ਹੈ।
ਜ਼ਿਕਰਯੋਗ ਹੈ ਕਿ ਕੈਨੇਡਾ ਇੰਟਰਨੈਸ਼ਨਲ ਸਟੂਡੈਂਟਸ ਲਈ ਇੱਕ ਪ੍ਰਸਿੱਧ ਚੋਣ ਹੈ ਕਿਉਂਕਿ ਇੱਥੇ ਹੋਰ ਮੁਲਕਾਂ ਦੇ ਮੁਕਾਬਲੇ ਵਰਕ ਪਰਮਿਟ ਲੈਣਾ ਆਸਾਨ ਹੈ।
ਅਧਿਕਾਰਤ ਡੇਟਾ ਮੁਤਾਬਕ, ਪਿਛਲੇ ਸਾਲ ਕੈਨੇਡਾ ਵਿਚ 800,000 ਵਿਦੇਸ਼ੀ ਸਟੂਡੈਂਟ ਆਏ ਹਨ, ਜਦੋਂ ਕਿ 2012 ਵਿਚ ਇਹ ਅੰਕੜਾ ਮਹਿਜ਼ 275,000 ਸੀ।
ਹਾਊਸਿੰਗ ਮਿਨਿਸਟਰ ਸ਼ੌਨ ਫਰੇਜ਼ਰ ਨੇ ਕਿਹਾ ਕਿ ਹਾਊਸਿੰਗ ਸੰਕਟ ਲਈ ਕੁਝ ਸੰਸਥਾਵਾਂ ਵੀ ਜ਼ਿੰਮੇਵਾਰ ਹਨ ਜਿਨ੍ਹਾਂ ਨੇ ਲੋੜ ਤੋਂ 5-6 ਗੁਣਾ ਵੱਧ ਸਟੂਡੈਂਟਸ ਨੂੰ ਦਾਖਲੇ ਦਿੱਤੇ।
ਗੌਰਤਲਬ ਹੈ ਕਿ ਹਾਊਸਿੰਗ ਸੰਕਟ ਦੇ ਮੁੱਦੇ 'ਤੇ ਸਰਕਾਰ ਨੂੰ ਵਿਰੋਧੀ ਧਿਰਾਂ ਵਲੋਂ ਹਮਲੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਪ੍ਰਿੰਸ ਐਡਵਰਡ ਆਏਲੈਂਡ ਵਿਚ ਪ੍ਰਧਾਨ ਮੰਤਰੀ ਟਰੂਡੋ ਦੀ ਅਗਵਾਈ ਵਿਚ ਨਵੀਂ ਕੈਬਨਿਟ ਨਾਲ ਹੋ ਰਹੀ ਚਰਚਾ ਵਿਚ ਵੀ ਇਹ ਮੁੱਖ ਮੁੱਦਾ ਹੈ।
