18.85C Vancouver 18.85C VancouverOct 8, 2022 12:26 AM - The Canadian Press
ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇੱਕ ਨਿਊਜ ਕਾਨਫਰੰਸ ਦੌਰਾਨ ਇਰਾਨ ਖਿਲਾਫ ਵਧੇਰੇ ਪਬੰਦੀਆਂ ਲਗਾਉਣ ਦਾ ਐਲਾਨ ਕੀਤਾ ਹੈ।
ਟਰੂਡੋ ਨੇ ਕਿਹਾ ਕਿ ਹੁਣ ਤਕ ਲਏ ਗਏ ਐਕਸ਼ਨਸ ਅਤੇ ਅੱਜ ਐਲਾਨੀਆਂ ਜਾ ਰਹੀਆਂ ਪਬੰਦੀਆਂ ਇਰਾਨ ਖਿਲਾਫ ਕਿਸੇ ਵੀ ਦੇਸ਼ ਵੱਲੋਂ ਲਗਾਈਆਂ ਗਈਆਂ ਸਭ ਤੋਂ ਸਖਤ ਪਬੰਦੀਆਂ ਹਨ।
ਟਰੂਡੋ ਨੇ ਕਿਹਾ ਕਿ ਆਈ.ਆਰ.ਜੀ.ਸੀ. ਦੀ ਲੀਡਰਸ਼ਿਪ ਸਮੇਤ ਇਰਾਨੀਅਨ ਰਿਜੀਮ ਨੂੰ ਇਮੀਗ੍ਰੇਸ਼ਨ ਐਂਡ ਰੈਫਿਊਜੀ ਪ੍ਰੋਟੈਕਸ਼ਨ ਐਕਟ ਅਧੀਨ ਲਿਆਂਦਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਇਸ ਪ੍ਰੋਵੀਜਨ ਦੀ ਵਰਤੋਂ ਇਸ ਤੋਂ ਪਹਿਲਾਂ ਬੌਸਨੀਆ ਅਤੇ ਰਵਾਂਡਾ 'ਚ ਵਾਪਰੀਆਂ ਘਟਨਾਵਾਂ ਵੇਲੇ ਹੀ ਕੀਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਇਸ ਦਾ ਅਰਥ ਹੈ ਕਿ ਆਈ.ਆਰ.ਜੀ.ਸੀ. ਰਿਜੀਮ ਦੇ 10,000 ਤੋਂ ਵਧੇਰੇ ਮੈਂਬਰ ਹਮੇਸ਼ਾ ਲਈ ਕੈਨੇਡਾ 'ਚ ਦਾਖਿਲ ਨਹੀਂ ਹੋ ਸਕਣਗੇ।
ਇਸ ਦੇ ਨਾਲ ਹੀ ਇਰਾਨ ਦੇ ਵਤੀਰੇ ਲਈ ਜਿੰਮੇਵਾਰ ਸਹਿਯੋਗ ਪ੍ਰਦਾਨ ਕਰਨ ਵਾਲੇ ਲੋਕਾਂ 'ਤੇ ਸਖਤ ਇਕਨੌਮਿਕ ਪਬੰਦੀਆਂ ਲਗਾਈਆਂ ਜਾਣਗੀਆਂ।
ਇਹ ਪਬੰਦੀਆਂ ਇਰਾਨ 'ਚ ਹਾਲ 'ਚ ਹੋਏ ਸਰਕਾਰ ਵਿਰੋਧੀ ਪ੍ਰਦਰਸ਼ਨਾਂ ਦੇ ਹਿੰਸਕ ਕਰੈਕਡਾਊਨ ਦੇ ਵਿਰੋਧ 'ਚ ਲਗਾਈਆਂ ਗਈਆਂ ਹਨ।
ਯਾਦ ਰਹੇ ਇਰਾਨ 'ਚ 22 ਸਾਲਾ ਮਾਹਸਾ ਅਮੀਨੀ ਦੀ ਸਿਤੰਬਰ 'ਚ 'ਚ ਇਰਾਨ ਦੀ ਮੋਰੈਲਿਟੀ ਪੁਲਿਸ ਨੇ ਗ੍ਰਿਫਤਾਰੀ ਕੀਤੀ ਸੀ ਅਤੇ ਫਿਰ ਉਸ ਦੀ ਮੌਤ ਹੋ ਗਈ ਸੀ।
ਇਹ ਗ੍ਰਿਫਤਾਰੀ ਕਥਿਤ ਤੌਰ 'ਤੇ ਹਿਜਾਬ ਨੂੰ ਸਹੀ ਢੰਗ ਨਾਲ ਨਾ ਪਹਿਨਣ 'ਤੇ ਕੀਤੀ ਗਈ ਸੀ।
ਇਸ ਤੋਂ ਬਾਅਦ ਦੇਸ਼ 'ਚ ਸਰਕਾਰ ਵਿਰੋਧੀ ਪ੍ਰਦਰਸ਼ਨ ਸ਼ੁਰੂ ਹੋ ਗਏ ਸਨ।
ਇਸ ਮੌਕੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਇਸੇ ਹਫ਼ਤੇ ਇਰਾਨ 'ਚ ਡੇਗੇ ਗਏ ਹਵਾਈ ਜਹਾਜ ਪੀ.ਐਸ.752 ਨੂੰ ਵੀ ਡਿੱਗਣ ਦੇ 1,000 ਦਿਨ ਪੂਰੇ ਹੋ ਗਏ ਹਨ।
ਉਨ੍ਹਾਂ ਕਿਹਾ ਕਿ ਹਵਾਈ ਜਹਾਜ 'ਚ ਸਵਾਰ ਕਨੇਡੀਅਨ ਲੋਕਾਂ ਦੇ ਪੀੜਤ ਪਰਿਵਾਰਾਂ ਨਾਲ ਉਨ੍ਹਾਂ ਇਸੇ ਹਫ਼ਤੇ ਗੱਲਬਾਤ ਕੀਤੀ ਹੈ।
