20.61C Vancouver 20.61C VancouverAug 10, 2020 9:21 PM -
ਵਿਦੇਸ਼ ਮਾਮਲਿਆਂ ਸੰਬੰਧੀ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਦਾ ਕਹਿਣਾ ਹੈ ਕਿ, ਬੇਲਾਰੂਸ ਦੇ ਰਾਸ਼ਟਰਪਤੀ ਚੋਣਾਂ ਸੰਬੰਧੀ ਹਿੰਸਕ ਮਾਹੌਲ 'ਤੇ ਉਹ ਬੇਹੱਦ ਚਿੰਤਤ ਹਨ।
ਐਤਵਾਰ ਨੂੰ ਬੇਲਾਰੂਸੀ ਚੋਣ ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਤਾਨਾਸ਼ਾਹੀ ਰਾਸ਼ਟਰਪਤੀ, ਐਲਿਕਜ਼ੈਂਡਰ ਲੁਕਾਸ਼ੈਂਕੋ ਨੇ ਦਫ਼ਤਰ 'ਚ ਛੇਵੀਂ ਟਰਮ ਲਈ 80% ਵੋਟ ਹਾਸਿਲ ਕੀਤੀ ਹੈ।
ਚੋਣ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਚੁਣੌਤੀ ਦੇਣ ਵਾਲੀ ਵਿਰੋਧੀ ਸਵਿਤਲਾਨਾ ਸਿਖਾਨੁਸਖਾਯਾ ਨੂੰ 10% ਵੋਟ ਹਾਸਿਲ ਹੋਈ।
ਪਰ ਉਨ੍ਹਾਂ ਅਧਿਕਾਰਿਤ ਗਿਣਤੀ ਨੂੰ ਗਲਤ ਦੱਸਿਆ ਹੈ ਅਤੇ ਮੁੜ ਤੋਂ ਗਿਣਤੀ ਕਰਨ ਦੀ ਮੰਗ ਕੀਤੀ ਹੈ। ਵੋਟਾਂ ਦੀ ਜਾਣਕਾਰੀ ਜਾਰੀ ਕਰਨ ਤੋਂ ਬਾਅਦ, ਬੇਲਾਰੂਸ 'ਚ ਕਈ ਜਗ੍ਹਾ ਹਿੰਸਕ ਪ੍ਰਦਰਸ਼ਨ ਹੋਏ ਹਨ ਅਤੇ ਪੁਲਿਸ ਨੇ ਪ੍ਰਦਰਸ਼ਨਕਾਰੀਆਂ ਨੂੰ ਕਾਬੂ ਕਰਨ ਲਈ 'ਬਲ' ਦਾ ਇਸਤੇਮਾਲ ਕੀਤਾ ਹੈ, ਜਿਸ ਦੌਰਾਨ ਬਹੁਤ ਸਾਰੇ ਲੋਕ ਜ਼ਖਮੀ ਹੋਏ ਹਨ।
ਸ਼ੈਂਪੇਨ ਦਾ ਕਹਿਣਾ ਹੈ ਕਿ ਪੁਲਿਸ ਦੀ ਕਾਰਵਾਈ ਤੋਂ ਬਾਅਦ, ਵੋਟ ਦੇ ਲੋਕਤੰਤਰੀ ਜਾਇਜ਼ਤਾ 'ਤੇ ਸਵਾਲ ਉੱਠਣਗੇ, ਅਤੇ ਉਨ੍ਹਾਂ ਕਿਹਾ ਕਿ ਨਤੀਜੇ ਅਜਿਹੇ ਹੀ ਹੋਣੇ ਚਾਹੀਦੇ ਹਨ, ਜੋ ਬੇਲਾਰੂਸ ਦੇ ਲੋਕ ਚਾਹੁੰਦੇ ਹਨ।
