16.39C Vancouver 16.39C VancouverDec 1, 2021 1:22 AM - The Canadian Press
ਦੇਸ਼ ਦੇ ਸਿਹਤ ਮੰਤਰੀ ਜੀਨ-ਈਵ ਡੁਕਲੌਸ ਨੇ ਕੋਵਿਡ-19 ਦੇ ਨਵੇਂ ਵੇਰੀਐਂਟ ਓਮੀਕਰੌਨ ਦੇ ਦੇਸ਼ 'ਚ ਦਾਖਿਲੇ ਦੇ ਖਤਰੇ ਵਿਚਾਲੇ ਦੱਸਿਆ ਹੈ ਕਿ ਕੈਨੇਡਾ 'ਚ ਆਉਂਦੇ ਵਿਦੇਸ਼ ਯਾਤਰੀਆਂ ਲਈ ਵਧੇਰੇ ਪਬੰਦੀਆਂ ਲਾਗੂ ਕੀਤੀਆਂ ਜਾ ਰਹੀਆਂ ਹਨ।
ਉਨ੍ਹਾਂ ਦੱਸਿਆ ਕਿ ਪਹਿਲਾਂ ਤੋਂ ਜਾਰੀ ਦੱਖਣੀ ਅਫਰੀਕਾ ਨਾਲ ਸੰਬੰਧਤ 7 ਦੇਸ਼ਾਂ ਤੋਂ ਆਉਂਦੇ ਯਾਤਰੀਆਂ ਲਈ ਲੱਗੀ ਪਬੰਦੀ 'ਚ 3 ਹੋਰ ਦੇਸ਼ ਸ਼ਾਮਿਲ ਕੀਤੇ ਜਾ ਰਹੇ ਹਨ।
ਹੁਣ ਨਾਈਜੀਰੀਆ, ਮਾਲਾਵੀ ਅਤੇ ਇਜਿਪਟ ਤੋਂ ਆਉਂਦੇ ਵਿਦੇਸ਼ ਯਾਤਰੀਆਂ ਦੀ ਕੈਨੇਡਾ 'ਚ ਐਂਟਰੀ ਬੈਨ ਕਰ ਦਿੱਤੀ ਗਈ ਹੈ।
ਇਸ ਤੋਂ ਇਲਾਵਾ ਕੈਨੇਡਾ ਦਾਖਿਲ ਹੁੰਦੇ ਕਿਸੇ ਵੀ ਵਿਦੇਸ਼ ਯਾਤਰਾ ਤੋਂ ਪਰਤਦੇ ਵਿਕਤੀ ਲਈ ਹਵਾਈ ਅੱਡੇ 'ਤੇ ਕੋਵਿਡ-19 ਟੈਸਟ ਹਾਸਿਲ ਕਰਨਾ ਜ਼ਰੂਰੀ ਹੋਵੇਗਾ।
ਟੈਸਟ ਨਤੀਜੇ ਆਉਣ ਤਕ ਇਨ੍ਹਾਂ ਯਾਤਰੀਆਂ ਨੂੰ ਕੁਆਰੰਟੀਨ ਕਰਨਾ ਹੋਵੇਗਾ।
ਇਸ ਸੂਚੀ 'ਚ ਅਮਰੀਕਾ ਨੂੰ ਸ਼ਾਮਿਲ ਨਹੀਂ ਕੀਤਾ ਗਿਆ ਹੈ।
ਕੈਨੇਡਾ ਦੇ ਨਾਗਰਿਕ ਅਤੇ ਪਰਮਾਨੈਂਟ ਰੈਜ਼ੀਡੈਂਟਸ ਵੀ ਹਾਸਿਲ ਕਰਨ ਕੋਵਿਡ-19 ਦੇ ਨੈਗੇਟਿਵ ਨਤੀਜੇ
ਟਰਾਂਸਪੋਰਟ ਮੰਤਰੀ ਉਮਰ ਅਲਘਾਬਰਾ ਨੇ ਜਾਣਕਾਰੀ ਦਿੱਤੀ ਹੈ ਕਿ ਜਿਹੜੇ 10 ਦੱਖਣ ਅਫਰੀਕੀ ਦੇਸ਼ਾਂ 'ਤੇ ਕੈਨੇਡਾ 'ਚ ਦਾਖਿਲੇ ਸੰਬੰਧੀ ਪਬੰਦੀ ਲੱਗੀ ਹੈ, ਉਨ੍ਹਾਂ ਦੇਸ਼ਾਂ ਤੋਂ ਆਉਂਦੇ ਕੈਨੇਡਾ ਦੇ ਨਾਗਰਿਕ ਅਤੇ ਪਰਮਾਨੈਂਟ ਰੈਜ਼ੀਡੈਂਟਸ ਲਈ ਹੁਣ ਕੈਨੇਡਾ 'ਚ ਦਾਖਿਲੇ ਤੋਂ ਪਹਿਲਾਂ ਆਪਣੇ ਕੋਵਿਡ-19 ਦੇ ਨੈਗੇਟਿਵ ਨਤੀਜੇ ਹਾਸਿਲ ਕਰਨਾ ਜ਼ਰੂਰੀ ਹੋਵੇਗਾ।
ਉਨ੍ਹਾਂ ਦੱਸਿਆ ਕਿ ਜਿਹੜੇ 10 ਦੇਸ਼ਾਂ 'ਤੇ ਯਾਤਰਾ ਸੰਬੰਧੀ ਰੋਕ ਲਗਾਈ ਗਈ ਹੈ, ਉੱਥੋਂ ਹਾਸਿਲ ਕੀਤੇ ਨੈਗੇਟਿਵ ਨਤੀਜੇ ਮਨਜ਼ੂਰ ਨਹੀਂ ਹੋਣਗੇ।
ਇਹ ਨੈਗੇਟਿਵ ਨਤੀਜੇ ਕਿਸੇ ਤੀਜੇ ਦੇਸ਼ 'ਚ ਹਾਸਿਲ ਕਰਨੇ ਹੋਣਗੇ ਜਿਸ ਰਸਤੇ ਕੈਨੇਡਾ ਆ ਰਹੇ ਨਾਗਰਿਕ ਅਤੇ ਪਰਮਾਨੈਂਟ ਰੈਜ਼ੀਡੈਂਟ ਕੈਨੇਡਾ 'ਚ ਦਾਖਿਲ ਹੋ ਸਕਣਗੇ।
ਹਾਲਾਂਕਿ ਇਨ੍ਹਾਂ ਯਾਤਰੀਆਂ ਦੇ ਹਵਾਈ ਅੱਡੇ 'ਤੇ ਫਿਰ ਤੋਂ ਟੈਸਟ ਹੋਣਗੇ ਅਤੇ ਨਤੀਜੇ ਆਉਣ ਤਕ ਉਨ੍ਹਾਂ ਨੂੰ ਕੁਆਰੰਟੀਨ ਕਰਨਾ ਪਵੇਗਾ।
