ਇਜ਼ਰਾਈਲ, ਈਰਾਨ ਛੱਡਣ ਵਾਲੇ ਨਾਗਰਿਕਾਂ ਲਈ ਕੈਨੇਡਾ ਘਰ ਵਾਪਸੀ ਵਿਚ ਕਰ ਰਿਹੈ ਮਦਦ

ਕੈਨੇਡਾ -ਇਜ਼ਰਾਇਲ ਅਤੇ ਈਰਾਨ ਛੱਡਣ ਵਾਲੇ ਆਪਣੇ ਨਾਗਰਿਕਾਂ ਲਈ ਉਨ੍ਹਾਂ ਦੀ ਘਰ ਵਾਪਸੀ ਵਿਚ ਮਦਦ ਕਰ ਰਿਹਾ ਹੈ। ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਨੇ ਕਿਹਾ ਕਿ ਇਜ਼ਰਾਇਲ ਅਤੇ ਈਰਾਨ ਵਿਚੋਂ ਨਿਕਲ ਕੇ ਇਨ੍ਹਾਂ ਦੀ ਸਰਹੱਦ ਨਾਲ ਲੱਗਦੇ ਮੁਲਕਾਂ ਵਿਚ ਪਹੁੰਚ ਰਹੇ ਕੈਨੇਡੀਅਨਾਂ ਨੂੰ ਮਿਡਲ ਈਸਟ ਤੋਂ ਨਿਕਲਣ ਵਿਚ ਮਦਦ ਲਈ ਵਪਾਰਕ ਉਡਾਣਾਂ ਉਪਲਬਧ ਕਰਵਾਈਆਂ ਜਾ ਰਹੀਆਂ ਹਨ, ਨਾਲ ਹੀ ਔਟਵਾ ਖਿੱਤੇ ਵਿਚ ਕੌਂਸਲਰ ਸੇਵਾਵਾਂ ਵਧਾ ਰਿਹਾ ਹੈ।

ਆਨੰਦ ਨੇ ਕਿਹਾ ਕਿ ਉਹ ਇਸ ਖੇਤਰ ਵਿਚ ਵੱਧ ਰਹੀ ਅਸਥਿਰਤਾ ਬਾਰੇ ਚਿੰਤਤ ਹਨ। ਗੌਰਤਲਬ ਹੈ ਕਿ ਕੈਨੇਡਾ ਸਰਕਾਰ ਦੇ ਗਲੋਬਲ ਅਫੇਅਰਜ਼ ਡਿਪਾਰਟਮੈਂਟ ਨੇ ਹਾਲ ਵਿਚ ਦੱਸਿਆ ਸੀ ਕਿ ਮਿਡਲ ਈਸਟ ਵਿਚ 80,000 ਕੈਨੇਡੀਅਨ ਹਨ, ਜਿਨ੍ਹਾਂ ਵਿਚੋਂ ਈਰਾਨ ਵਿਚ ਕਰੀਬ 3,500 ਅਤੇ ਇਜ਼ਰਾਇਲ ਵਿਚ 6,700 ਨਾਗਰਿਕਾਂ ਦੇ ਹੋਣ ਦਾ ਅਨੁਮਾਨ ਦੱਸਿਆ ਗਿਆ ਸੀ।