19.44C Vancouver 19.44C VancouverDec 23, 2021 1:22 AM - Connect News
ਆਬੂ ਧਾਬੀ 'ਚ ਹੋਈ ਤੈਰਾਕੀ ਦੀ ਸ਼ੌਰਟ ਕੋਰਸ ਵਿਸ਼ਵ ਚੈਂਪੀਅਨਸ਼ਿਪ 'ਚ ਟੀਮ ਕੈਨੇਡਾ ਨੇ ਹੁਣ ਤਕ ਦਾ ਸਭ ਤੋਂ ਬੇਹਤਰੀਨ ਪ੍ਰਦਰਸ਼ਨ ਕਰਕੇ ਵਿਖਾਇਆ ਹੈ।
ਕੈਨੇਡਾ ਦੇ ਤੈਰਾਕਾਂ ਨੇ ਇਸ ਵਿਸ਼ਵ ਚੈਂਪੀਅਨਸ਼ਿਪ 'ਚ ਕੁੱਲ 15 ਤਗਮੇ ਹਾਸਿਲ ਕੀਤੇ।
ਕੈਨੇਡਾ ਦੇ ਮੈਡਲਾਂ 'ਚ 7 ਗੋਲਡ, 6 ਸਿਲਵਰ ਅਤੇ 2 ਕਾਂਸੀ ਦੇ ਤਗਮੇ ਸ਼ਾਮਿਲ ਸਨ।
ਇਸ 'ਚ ਕਨੇਡੀਅਨ ਮਹਿਲਾ ਤੈਰਾਕਾਂ ਨੇ ਕੁੱਲ 13 ਮੈਡਲ ਦੇਸ਼ ਦੀ ਝੋਲੀ ਪਾਏ।
ਕੈਨੇਡਾ ਲਈ ਇਕੱਲੀ ਮੈਗੀ ਮੈਕਨੀਲ 5 ਮੈਡਲ ਜਿੱਤਣ 'ਚ ਕਾਮਯਾਬ ਰਹੀ।
ਇਸ 'ਚ 4 ਸੋਨ ਤਗਮੇ ਅਤੇ ਇੱਕ ਚਾਂਦੀ ਦਾ ਤਗਮਾ ਸ਼ਾਮਿਲ ਸੀ।
ਔਰਤਾਂ ਦੇ 50m ਬੈਕਸਟ੍ਰੋਕ ਈਵੈਂਟ 'ਚ ਕੈਨੇਡਾ ਨੂੰ ਗੋਲਡ ਅਤੇ ਸਿਲਵਰ ਮੈਡਲ ਹਾਸਿਲ ਹੋਏ।
ਮੈਗੀ ਮੈਕਨੀਲ ਨੇ ਵਿਸ਼ਵ ਰਿਕਾਰਡ ਸਥਾਪਿਤ ਕਰਦੇ ਹੋਏ ਗੋਲਡ ਮੈਡਲ ਜਿੱਤਿਆ ਜਦਕਿ ਕੈਨੇਡਾ ਦੀ ਕਾਇਲੀ ਮਾਸ ਨੇ ਇਸ ਈਵੈਂਟ 'ਚ ਸਿਲਵਰ ਮੈਡਲ ਆਪਣੇ ਨਾਮ ਕੀਤਾ।
ਕਾਇਲੀ ਮਾਸ ਨੇ ਇਸ ਪ੍ਰਤੀਯੋਗਤਾ 'ਚ ਕੁੱਲ 4 ਸਿਲਵਰ ਮੈਡਲ ਜਿੱਤੇ ਅਤੇ ਉਹ ਕੈਨੇਡਾ ਦੀ ਮੋਸਟ ਡੈਕੋਰੇਟਿਡ ਤੈਰਾਕ ਬਣ ਗਈ ਹੈ।
ਕਾਇਲੀ ਮਾਸ ਨੇ ਹੁਣ ਵਿਸ਼ਵ ਚੈਂਪੀਅਨਸ਼ਿਪਸ ਵਿੱਚ ਕੁੱਲ 10 ਮੈਡਲ ਹਾਸਿਲ ਕਰ ਲਏ ਹਨ।
ਉਸ ਤੋਂ ਪਹਿਲਾਂ ਪੈਨੀ ਓਲੈਕਸੀਆਕ ਅਤੇ ਰਾਇਨ ਕੌਸ਼ਰੇਨ ਨੂੰ 9-9 ਮੈਡਲਾਂ ਦੇ ਨਾਲ ਮੋਸਟ ਡੈਕੋਰੇਟਿਡ ਤੈਰਾਕ ਦਾ ਦਰਜ ਹਾਸਿਲ ਸੀ।
ਇਸ ਪ੍ਰਤੀਯੋਗਤਾ 'ਚ ਅਮਰੀਕਾ ਨੇ ਸਭ ਤੋਂ ਵੱਧ 30 ਮੈਡਲ ਆਪਣੇ ਨਾਮ ਕੀਤੇ।
