12.15C Vancouver 12.15C VancouverAug 9, 2021 9:29 PM -
ਟੋਕਿਓ ਓਲੰਪਿਕਸ ਸੰਪੰਨ ਹੋ ਗਏ ਹਨ।
ਕੈਨੇਡਾ ਨੇ ਟੋਕਿਓ ਓਲੰਪਿਕਸ ਵਿੱਚ ਆਪਣੇ ਪਿਛਲੇ ਓਲੰਪਿਕਸ ਦੇ ਪਰਫਾਰਮੈਂਸ ਤੋਂ ਬਿਹਤਰ ਪ੍ਰਦਰਸ਼ਨ ਕਰ ਵਿਖਾਇਆ ਹੈ।
ਓਲੰਪਿਕ ਖੇਡਾਂ ਵਿੱਚ ਕੈਨੇਡਾ ਨੇ ਰੀਓ ਓਲੰਪਿਕਸ ਤੋਂ ਵਧੇਰੇ ਮੈਡਲ ਹਾਸਿਲ ਕਰ ਵਿਖਾਏ।
ਰੀਓ ਖੇਡਾਂ 'ਚ ਕੈਨੇਡਾ ਨੂੰ 22 ਤਗਮੇ ਹਾਸਿਲ ਹੋਏ ਸਨ, ਜਿਸ ਦੇ ਮੁਕਾਬਲੇ ਟੋਕਿਓ ਖੇਡਾਂ 'ਚ ਟੀਮ ਕੈਨੇਡਾ ਨੇ 24 ਮੈਡਲ ਹਾਸਿਲ ਕੀਤੇ।
ਬੀਤੇ ਓਲੰਪਿਕਸ ਵਿੱਚ ਕੈਨੇਡਾ ਦੇ ਖਾਤੇ 'ਚ 4 ਗੋਲਡ ਮੈਡਲ ਪਏ ਸਨ ਜਿਸ ਦੀ ਤੁਲਣਾ 'ਚ ਇਸ ਵਾਰ ਕੈਨੇਡਾ ਨੇ 7 ਗੋਲਡ ਮੈਡਲ ਜਿੱਤ ਵਿਖਾਏ ਹਨ।
ਇਸ ਦੇ ਨਾਲ ਹੀ ਕੈਨੇਡਾ ਦੀ ਓਲੰਪਿਕ ਪਰਫਾਰਮੈਂਸ ਰੀਓ ਦੇ ਮੁਕਾਬਲੇ ਕਾਫੀ ਬਿਹਤਰ ਹੋ ਗਈ ਹੈ।
ਇਸ ਤੋਂ ਇਲਾਵਾ ਕੈਨੇਡਾ ਨੇ ਰੀਓ ਓਲੰਪਿਕਸ ਵਿੱਚ ਮੈਡਲ ਟੈਲੀ 'ਚ 20ਵਾਂ ਸਥਾਨ ਹਾਸਿਲ ਕੀਤਾ ਸੀ ਜਦਕਿ ਇਸ ਵਾਰ ਕੈਨੇਡਾ ਨੇ ਮੈਡਲ ਟੈਲੀ 'ਚ 11ਵਾਂ ਸਥਾਨ ਹਾਸਿਲ ਕੀਤਾ।
ਮੈਡਲ ਟੈਲੀ 'ਚ ਅਮਰੀਕਾ ਦਾ ਦਬਦਬਾ
ਟੋਕਿਓ ਓਲੰਪਿਕਸ ਵਿੱਚ ਅਮਰੀਕਾ ਨੇ ਮੈਡਲ ਟੈਲੀ 'ਚ ਸਭ ਤੋਂ ਉੱਤੇ ਦਾ ਸਥਾਨ ਹਾਸਿਲ ਕੀਤਾ।
ਅਮਰੀਕਾ ਦੇ ਖਾਤੇ 'ਚ ਕੁੱਲ 113 ਮੈਡਲ ਪਏ ਜਿਸ 'ਚ 39 ਗੋਲਡ ਮੈਡਲ ਸ਼ਾਮਿਲ ਸਨ।
ਉੱਧਰ ਚੀਨ ਨੇ ਮੈਡਲ ਟੈਲੀ 'ਚ ਪੂਰੇ ਓਲੰਪਿਕਸ ਦੌਰਾਨ ਪਹਿਲੇ ਨੰਬਰ 'ਤੇ ਜਗ੍ਹਾ ਪੱਕੀ ਕਰ ਕੇ ਰੱਖਣ ਤੋਂ ਬਾਅਦ ਅੰਤ 'ਚ ਮੈਡਲ ਟੈਲੀ 'ਚ ਦੂਜਾ ਸਥਾਨ ਹਾਸਿਲ ਕੀਤਾ।
ਚੀਨ 'ਚ ਖਾਤੇ 'ਚ 88 ਮੈਡਲ ਪਏ ਜਿਸ 'ਚ 38 ਗੋਲਡ ਮੈਡਲ ਸ਼ਾਮਿਲ ਸਨ।
ਮੇਜਬਾਨ ਦੇਸ਼ ਜਾਪਾਨ ਕੁੱਲ 58 ਅਤੇ 27 ਗੋਲਡ ਮੈਡਲਾਂ ਨਾਲ ਤੀਜੇ ਸਥਾਨ 'ਤੇ ਰਿਹਾ।
ਭਾਰਤ ਨੂੰ ਓਲੰਪਿਕਸ ਵਿੱਚ 7 ਮੈਡਲ ਹਾਸਿਲ ਹੋਏ ਜਿਸ 'ਚ 1 ਗੋਲਡ 2 ਸਿਲਵਰ ਅਤੇ 4 ਕਾਂਸੀ ਦੇ ਤਗਮੇ ਸ਼ਾਮਿਲ ਸਨ।
ਭਾਰਤ ਓਲੰਪਿਕ ਖੇਡਾਂ 'ਚ 48ਵੇਂ ਸਥਾਨ 'ਤੇ ਰਿਹਾ।
