18.21C Vancouver 18.21C VancouverJul 27, 2021 3:40 AM -
ਕੈਨੇਡਾ ਨੂੰ ਤੈਰਾਕੀ 'ਚ ਇੱਕ ਹੋਰ ਮੈਡਲ ਹਾਸਿਲ ਹੋ ਗਿਆ ਹੈ।
ਕਾਇਲੀ ਮਾਸ ਨੇ 100 ਮੀਟਰ ਬੈਕਸਟਰੋਕ ਈਵੈਂਟ 'ਚ ਸਿਲਵਰ ਮੈਡਲ ਜਿੱਤ ਲਿਆ ਹੈ।
ਇਸੇ ਈਵੈਂਟ 'ਚ ਉਨ੍ਹਾਂ ਰੀਓ ਓਲੰਪਿਕਸ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ।
25 ਸਾਲਾ ਕਾਇਲੀ ਮਾਸ ਨੇ 57.72ਸੈਕਿੰਡਸ ਦੇ ਸਮੇਂ ਨਾਲ ਇਸ ਈਵੈਂਟ 'ਚ ਸਿਲਵਰ ਮੈਡਲ ਜਿੱਤਿਆ ਹੈ।
ਆਸਟ੍ਰੇਲੀਆ ਦੀ ਕਾਇਲੀ ਮੈਕੋਵਨ ਨੂੰ ਇਸ ਈਵੈਂਟ 'ਚ ਗੋਲਡ ਮੈਡਲ ਹਾਸਿਲ ਹੋਇਆ ਹੈ।
ਮੈਕੋਵਨ ਨੇ 57.47 ਸੈਕਿੰਡਸ ਦੇ ਸਮੇਂ ਨਾਲ ਨਵਾਂ ਓਲੰਪਿਕ ਰਿਕਾਰਡ ਸਥਾਪਿਤ ਕਰਦੇ ਹੋਏ ਗੋਲਡ ਮੈਡਲ ਜਿੱਤਿਆ।
ਇਸ ਈਵੈਂਟ 'ਚ ਤੀਜਾ ਸਥਾਨ ਅਮਰੀਕਾ ਦੀ ਰੇਗਨ ਸਮਿਥ ਨੂੰ ਹਾਸਿਲ ਹੋਇਆ।
ਇਸ ਦੇ ਨਾਲ ਹੁਣ ਕੈਨੇਡਾ ਦੇ ਓਲੰਪਿਕ ਤਗਮਿਆਂ ਦੀ ਗਿਣਤੀ 5 ਤਕ ਪਹੁੰਚ ਗਈ ਹੈ ਜਿਸ 'ਚ 1 ਗੋਲਡ 3 ਸਿਲਵਰ ਅਤੇ 1 ਬਰੌਂਜ਼ ਮੈਡਲ ਸ਼ਾਮਿਲ ਹੈ।
ਇਸ 'ਚ 4 ਮੈਡਲ ਤੈਰਾਕੀ ਨਾਲ ਸੰਬੰਧਤ ਹੈ।
