17.17C Vancouver 17.17C VancouverJan 21, 2022 6:15 PM - The Canadian Press
ਕੈਨੇਡਾ ਵੱਲੋਂ ਯੂਕਰੇਨ ਨੂੰ ਆਪਣੀ ਆਰਥਿਕਤਾ ਚਲਦੀ ਰੱਖਣ ਲਈ $120 ਮਿਲੀਅਨ ਕਰਜ਼ਾ ਦਿੱਤਾ ਜਾ ਰਿਹਾ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਇਸ ਲੋਨ ਦਾ ਐਲਾਨ ਕੀਤਾ ਅਤੇ ਦੱਸਿਆ ਕਿ ਉਹ ਯੂਕਰੇਨ ਦੀ ਸਰਕਾਰ ਵੱਲੋਂ ਉਹਨਾਂ ਨੂੰ ਕੀਤੀ ਦਰਖਵਾਸਤ ਨੂੰ ਪੂਰਾ ਕਰ ਰਹੇ ਹਨ।
ਹਾਲੇ ਟਰੂਡੋ ਨੇ ਇਸ ਵਾਰੇ ਕੁਝ ਨਹੀਂ ਦੱਸਿਆ ਕਿ ਕੀ ਕੈਨੇਡਾ ਯੂਕਰੇਨ ਨੂੰ ਹਥਿਆਰ ਦਵੇਗਾ ਜਾਂ ਨਹੀਂ, ਕੀ ਕੈਨੇਡਾ ਰੂਸ ਤੇ ਪਾਬੰਦੀਆਂ ਲਗਾਵੇਗਾ ਜਾਂ ਨਹੀਂ ਅਤੇ ਕੀ ਕੈਨੇਡਾ ਯੂਕਰੇਨ ਦੇ ਫੌਜੀਆਂ ਨੂੰ ਟ੍ਰੇਨ ਕਰਨ ਲਈ ਚਲਾਈ ਗਈ ਆਪਣੀ ਮੁਹਿੰਮ ਨੂੰ ਮਾਰਚ ਤੋਂ ਬਾਅਦ ਵੀ ਚੱਲਦਾ ਰੱਖੇਗਾ ਜਾਂ ਨਹੀਂ।
ਪ੍ਰਧਾਨ ਮੰਤਰੀ ਨੇ ਸਿਰਫ਼ ਇਨਾਂ ਹੀ ਕਿਹਾ ਕਿ ਉਹ ਯੂਕਰੇਨ ਦੀ ਮੱਦਦ ਕਰਨ ਲਈ ਹੋਰ ਤਰੀਕੇ ਵੀ ਲੱਭ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਰੂਸ ਨੇ ਯੂਕਰੇਨ ਦੇ ਬਾਰਡਰ ਤੇ 100,000 ਦੇ ਕਰੀਬ ਫੌਜੀ ਤੇਅਨਾਤ ਕੀਤੇ ਹੋਏ ਹਨ।
ਇਹ ਫੌਜੀ ਟੈਂਕ ਅਤੇ ਹੋਰ ਹਥਿਆਰਾਂ ਨਾਲ ਲੈਸ ਹਨ ਅਤੇ ਯੌਰਪ ਨੇ ਰੂਸ ਵੱਲੋਂ ਯੂਕਰੇਨ ਤੇ ਹਮਲਾ ਕੀਤੇ ਜਾਣ ਦਾ ਖਦਸ਼ਾ ਪ੍ਰਗਟ ਕੀਤਾ ਹੈ।
ਕੈਨੇਡਾ ਦੀ ਫ਼ੋਰਨ ਮਿਨਿਸਟਰ ਮੇਲਨੀ ਜੋਲੀ ਪਿਛਲੇ ਹਫ਼ਤੇ ਯੂਕਰੇਨ ਗਏ ਸਨ ਅਤੇ ਉਹਨਾਂ ਨੇ ਪੈਰਿਸ ਅਤੇ ਬ੍ਰਸਲੱਸ ਵਿੱਚ ਫਰਾਂਸ ਅਤੇ ਯੌਰਪ ਦੇ ਹੋਰ ਮੁਲਕਾਂ ਦੇ ਅਧਿਕਾਰੀਆਂ ਨਾਲ ਇਸ ਮੁੱਦੇ ਤੇ ਮੁਲਾਕਾਤ ਵੀ ਕੀਤੀ।
