18.35C Vancouver 18.35C VancouverFeb 6, 2020 9:40 PM -
ਕੈਨੇਡਾ ਨੇ ਚੀਨ ਦੇ ਕੋਰੋਨਾਵਾਇਰਸ ਪ੍ਰਭਾਵਿਤ ਸ਼ਹਿਰ ਵੁਹਾਨ ਤੋਂ ਅਜੇ ਪਿੱਛੇ ਰਹਿ ਗਏ ਕਨੇਡੀਅਨਸ ਨੂੰ ਵਾਪਿਸ ਕੈਨੇਡਾ ਲਿਆਉਣ ਲਈ, ਇੱਕ ਹੋਰ ਚਾਰਟਰ ਹਵਾਈ ਜਹਾਜ ਦਾ ਪ੍ਰਬੰਧ ਕਰ ਲਿਆ ਹੈ।
ਵਿਦੇਸ਼ ਮੰਤਰੀ ਨੇ ਦੱਸਿਆ ਹੈ ਕਿ ਇਹ ਹਵਾਈ ਜਹਾਜ਼ ਅਗਲੇ ਹਫਤੇ 10 ਫਰਵਰੀ ਨੂੰ ਵੁਹਾਨ ਪਹੁੰਚੇਗਾ, ਅਤੇ 11 ਫਰਵਰੀ ਨੂੰ ਵਾਪਿਸ ਕੈਨੇਡਾ ਪਰਤੇਗਾ।
ਕਨੇਡੀਅਨ ਨਾਗਰਿਕਾਂ ਨੂੰ ਵੁਹਾਨ ਤੋਂ ਲਿਆਉਣ ਲਈ, ਪਹਿਲੇ ਕਨੇਡੀਅਨ ਹਵਾਈ ਜਹਾਜ ਨੇ ਅੱਜ ਵੁਹਾਨ ਤੋਂ ਉਡਾਣ ਭਰ ਲਈ ਹੈ।
ਇਹ ਹਵਾਈ ਜਹਾਜ ਪਹਿਲਾਂ ਵੈਨਕੂਵਰ ਪਹੁੰਚ ਰਿਹਾ ਹੈ।
ਇਸ ਹਵਾਈ ਜਹਾਜ ਆਸਰੇ ਘਟੋ-ਘੱਟ 211 ਕਨੇਡੀਅਨਸ ਨੂੰ ਵੁਹਾਨ ਤੋਂ ਕੈਨੇਡਾ ਲਿਆਂਦੇ ਜਾਣ ਦੀਆਂ ਖਬਰਾਂ ਸਨ, ਪਰ ਫੈਡਰਲ ਸਰਕਾਰ ਨੇ ਪੁਸ਼ਟੀ ਕੀਤੀ ਕਿ, ਕਿਸੇ ਵਜ੍ਹਾ ਕਰਕੇ, 194 ਲੋਕ ਹੀ ਜਹਾਜ ਤਕ ਪਹੁੰਚੇ ਸਨ।
ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਨੇ ਕਿਹਾ ਕਿ ਇਸਦੀ ਉਮੀਦ ਸੀ, ਅਤੇ ਕੁਝ ਲੋਕਾਂ ਨੇ ਆਖਰੀ ਮਿਨਟ 'ਤੇ ਮਨ ਬਦਲ ਲਿਆ।
ਕਈ ਵਾਰ ਸਕਰੀਨਿੰਗ ਪ੍ਰਕਿਰਿਆ ਚੋਂ ਲੰਘ ਚੁੱਕੇ, ਅਤੇ ਕੋਰੋਨਾ ਵਾਇਰਸ ਦੇ ਲੱਛਣਾਂ 'ਚ ਨੈਗੇਟਿਵ ਪਾਏ ਗਏ, ਕਨੇਡੀਅਨਸ ਨੂੰ ਹੀ ਜਹਾਜ 'ਤੇ ਸਵਾਰ ਹੋਣ ਦੀ ਇਜਾਜਤ ਦਿੱਤੀ ਗਈ ਹੈ।
ਇਸ ਜਹਾਜ ਨੇ ਔਂਟੈਰੀਓ ਪਹੁੰਚਣਾ ਹੈ, ਪਰ ਔਂਟੈਰੀਓ ਪਹੁੰਚਣ ਤੋਂ ਪਹਿਲਾਂ ਇਹ ਜਹਾਜ, ਤੇਲ ਭਰਨ ਲਈ ਇੱਕ ਵਾਰ ਵੈਨਕੂਵਰ 'ਚ ਉਤਰੇਗਾ, ਜਿਥੇ ਇੱਕ ਵਾਰ ਸਾਰੇ ਨਾਗਰਿਕਾਂ ਦੀ ਜਾਂਚ ਹੋਵੇਗੀ, ਅਤੇ ਜੇਕਰ ਕਿਸੇ ਦੀ ਸਿਹਤ ਵਿਗੜਦੀ ਵਿਖਾਈ ਦਿੰਦੀ ਹੈ, ਤਾਂ ਉਨ੍ਹਾਂ ਨੂੰ ਇਥੇ ਹੀ ਉਪਚਾਰ ਪ੍ਰਦਾਨ ਕੀਤਾ ਜਾਵੇਗਾ।
