9.44C Vancouver 9.44C VancouverNov 23, 2023 7:04 PM - connect news
ਕੰਜ਼ਰਵੇਟਿਵ ਲੀਡਰ ਪੀਅਰ ਪੋਲੀਐਵ ਨੇ ਵੀਰਵਾਰ ਨੂੰ ਟੋਰਾਂਟੋ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਲੈ ਕੇ ਤਿੱਖੇ ਸ਼ਬਦੀ ਹਮਲੇ ਬੋਲੇ। ਪੋਲੀਐਵ ਨੇ ਕਿਹਾ ਕਿ ਟਰੂਡੋ ਦੇ 8 ਸਾਲਾ ਸਾਸ਼ਨ ਵਿੱਚ ਕੈਨੇਡਾ ਖ਼ਤਰਨਾਕ ਜਗ੍ਹਾ ਬਣ ਗਿਆ ਹੈ, ਨਫਰਤੀ ਅਪਰਾਧ 150 ਫੀਸਦੀ ਤੱਕ ਵੱਧ ਚੁੱਕਾ ਹੈ।
ਆਰਥਿਕਤਾ ਡਾਵਾਂਡੋਲ ਹੈ ਅਤੇ ਕੈਨੇਡੀਅਨਜ਼ ਨੂੰ ਕੈਨੇਡੀਅਨਜ਼ ਖਿਲਾਫ਼ ਕੀਤਾ ਜਾ ਰਿਹਾ ਹੈ। ਪੋਲੀਐਵ ਨੇ ਕਿਹਾ ਟਰੂਡੋ ਦੇ ਕਮਜ਼ੋਰ ਕਾਨੂੰਨ ਨੇ ਕ੍ਰਿਮੀਨਲਸ ਅਤੇ ਹੋਰ ਹਿੰਸਕ ਅਨਸਰਾਂ ਨੂੰ ਸਟ੍ਰੀਟ ਵਿੱਚ ਖੁੱਲ੍ਹੇ ਘੁੰਮਣ ਅਤੇ ਲੋਕਾਂ 'ਤੇ ਹਮਲੇ ਕਰਨ ਦੀ ਖੁੱਲ੍ਹ ਦਿੱਤੀ ਹੋਈ ਹੈ।
ਗੌਰਤਲਬ ਹੈ ਕਿ ਪੋਲੀਐਵ ਹੋਮ ਹੀਟਿੰਗ ਦਾ ਮੁੱਦਾ ਵੀ ਲਗਾਤਾਰ ਉਠਾ ਰਹੇ ਹਨ, ਉਨ੍ਹਾਂ ਹਾਲ ਹੀ ਦੇ ਇੱਕ ਸਰਵੇ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ 70 ਫੀਸਦੀ ਕੈਨੇਡੀਅਨਜ਼ ਹੋਮ ਹੀਟਿੰਗ ਲਈ ਸਾਰੇ ਤਰ੍ਹਾਂ ਦੇ ਫਿਊਲ 'ਤੇ ਕਾਰਬਨ ਟੈਕਸ ਵਿੱਚ ਛੋਟ ਚਾਹੁੰਦੇ ਹਨ। ਪੋਲੀਐਵ ਨੇ ਕਿਹਾ ਕਿ ਕੰਜ਼ਰਵੇਟਿਵ ਸੱਤਾ ਵਿੱਚ ਆਉਣ 'ਤੇ ਇਸ ਨੂੰ ਹਟਾਉਣਗੇ।
ਦੱਸ ਦੇਈਏ ਕਿ ਪਿਛਲੇ ਮਹੀਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਹੋਮ ਹੀਟਿੰਗ ਔਇਲ ਨੂੰ ਅਗਲੇ ਤਿੰਨ ਸਾਲਾਂ ਲਈ ਕਾਰਬਨ ਟੈਕਸ ਤੋਂ ਛੋਟ ਦੇਣ ਦੀ ਘੋਸ਼ਣਾ ਕੀਤੀ ਸੀ। ਕੰਜ਼ਰਵੇਟਿਵ ਚਾਹੁੰਦੇ ਹਨ ਕਿ ਇਹ ਛੋਟ ਹੋਮ ਹੀਟਿੰਗ ਲਈ ਕੁਦਰਤੀ ਗੈਸ 'ਤੇ ਵੀ ਮਿਲਣੀ ਚਾਹੀਦੀ ਹੈ।
