24.22C Vancouver 24.22C VancouverSep 14, 2020 5:30 PM -
ਕੈਨੇਡਾ ਦੇ ਫੌਰਨ ਅਫੇਅਰਜ਼ ਮਿਨਿਸਟਰ ਦਾ ਕਹਿਣਾ ਹੈ ਕਿ ਫੈਡਰਲ ਸਰਕਾਰ, ਅਮਰੀਕਾ ਦੇ ਨਾਲ ਐਲੂਮੀਨਮ ਦੇ ਨਿਰਯਾਤ ਬਾਬਤ ਵਿਵਾਦ ਤੇ ਠੱਲ ਪਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਪਰ ਜੇਕਰ ਜ਼ਰੂਰਤ ਪਈ ਤਾਂ ਇਸ ਤੇ ਜੁਆਬੀ ਕਾਰਵਾਈ ਵੀ ਕੀਤੀ ਜਾਵੇਗੀ।
ਫ੍ਰਾਂਸਵਾ ਫੀਲੀਪ ਸ਼ੈਂਮਪੇਨ ਦਾ ਕਹਿਣਾ ਹੈ ਕਿ ਚੱਲ ਰਿਹਾ ਵਿਵਾਦ, ਨੌਰਥ ਅਮਰੀਕਾ ਵਿਚ ਉਤਪਾਦ ਨੂੰ ਮੁੜ ਤੋਂ ਬਿਹਤਰ ਕਰਨ ਲਈ ਨਵੇਂ ਮੌਕੇ ਦੇ ਰਿਹਾ ਹੈ।
ਸ਼ੈਂਮਪੇਨ ਨੇ ਇਹ ਵੀ ਕਿਹਾ ਕਿ ਕੈਨੇਡਾ 'ਡੌਲਰ-ਫੌਰ-ਡੌਲਰ' ਦੀ ਜੁਆਬੀ ਕਾਰਵਾਰੀ ਨੂੰ ਲਾਗੂ ਕਰਨ ਲਈ ਵੀ ਤਿਆਰ ਹੈ, ਜੋ ਕਿ ਬੁੱਧਵਾਰ ਤੋਂ ਸ਼ੁਰੂ ਹੋਵੇਗੀ।
ਜ਼ਿਕਰਯੋਗ ਹੈ ਕਿ ਟਰੰਪ ਪ੍ਰਸ਼ਾਸਨ ਵੱਲੋਂ ਪਿਛਲੇ ਮਹੀਨੇ ਕੈਨੇਡਾ ਤੋਂ ਐਲੂਮਿਨਮ 'ਤੇ ਨਵੇਂ ਕੌਮੀ-ਸੁਰੱਖਿਆ ਟੈਰਿਫ ਲਗਾਏ ਗਏ ਸਨ। ਦੋ ਯੂ.ਐਸ. ਸਮੈਲਟਿੰਗ ਕੰਪਨੀਆਂ ਵੱਲੋਂ ਸ਼ਿਕਾਇਤ ਕੀਤੀ ਗਈ ਸੀ ਕਿ ਕੈਨੇਡਾ ਦੋਹਾਂ ਦੇਸ਼ਾਂ ਵਿਚਕਾਰ 2019 ਦੇ ਸੁਮਝੌਤੇ ਦੀ ਕੁਝ ਸ਼ਰਤਾਂ ਦਾ ਉਲੰਘਣ ਕਰ ਰਿਹਾ ਹੈ।
ਹਾਲਾਂਕਿ ਬੁੱਧਵਾਰ ਤੋਂ ਕੈਨੇਡਾ ਦੀ ਜੁਆਬੀ ਕਾਰਵਾਈ ਸ਼ੁਰੂ ਹੋਣੀ ਹੈ, ਪਰ ਸ਼ੈਂਮਪੇਨ ਮੁਤਾਬਕ ਕੈਨੇਡਾ ਦੇ ਅਧਿਕਾਰੀਆਂ ਵੱਲੋਂ ਅਜੇ ਵੀ ਇਸ ਤੋਂ ਗੁਰੇਜ਼ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਸਪੱਸ਼ਟ ਹੈ ਕਿ ਅਸੀਂ ਗੱਲਬਾਤ ਜਾਰੀ ਰੱਖਣਾ ਚਾਹੁੰਦੇ ਹਾਂ ਪਰ ਅਸੀਂ ਪਿਛਲੀ ਵਾਰ ਵਾਂਗ ਪ੍ਰਤੀਕ੍ਰਿਆ ਦੇਣ ਲਈ ਤਿਆਰ ਰਹਿਣ ਜਾ ਰਹੇ ਹਾਂ।
