ਕੈਨੇਡਾ ਨੇ ਅਮਰੀਕੀ ਕਾਰਾਂ 'ਤੇ ਲਾਇਆ ਜਵਾਬੀ ਟੈਰਿਫ

ਕੈਨੇਡਾ ਵਲੋਂ ਅਮਰੀਕੀ ਕਾਰਾਂ 'ਤੇ ਜਵਾਬੀ ਟੈਰਿਫ ਅੱਜ ਤੋਂ ਪ੍ਰਭਾਵੀ ਹੋ ਗਿਆ ਹੈ, ਜਿਸ ਨਾਲ ਅਮਰੀਕਨ ਮੇਡ ਕਾਰਾਂ ਦੀਆਂ ਕੀਮਤਾਂ ਵਿਚ 25 ਫੀਸਦੀ ਤੱਕ ਵਾਧਾ ਹੋ ਸਕਦਾ ਹੈ। ਕੈਨੇਡੀਅਨ ਆਟੋ ਪਾਰਟਸ ਮੈਨੂਫੈਕਚਰਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਫਲਾਵੀਓ ਵੋਲਪੇ ਮੁਤਾਬਕ, ਕੈਨੇਡਾ ਵਿਚ ਹਰ ਸਾਲ ਖਰੀਦੀਆਂ ਜਾਂਦੀਆਂ ਕਾਰਾਂ ਵਿਚੋਂ 60 ਫੀਸਦੀ ਅਮਰੀਕਾ ਤੋਂ ਇੰਪੋਰਟ ਹੁੰਦੀਆਂ ਹਨ।

ਉਨ੍ਹਾਂ ਕਿਹਾ ਕਿ ਕੈਨੇਡਾ ਅਮਰੀਕਾ ਦੀਆਂ ਬਣੀਆਂ ਕਾਰਾਂ ਲਈ ਸਭ ਤੋਂ ਵੱਡੇ ਨਿਰਯਾਤ ਬਾਜ਼ਾਰਾਂ ਵਿਚੋਂ ਇੱਕ ਹੈ ਅਤੇ ਅੰਦਾਜ਼ਾ ਹੈ ਕਿ ਹਰ ਸਾਲ ਅਮਰੀਕਾ ਤੋਂ ਲਗਭਗ 1.2 ਮਿਲੀਅਨ ਵਾਹਨ ਇੰਪੋਰਟ ਕੀਤੇ ਜਾਂਦੇ ਹਨ।

ਗੌਰਤਲਬ ਹੈ ਕਿ ਕੈਨੇਡਾ ਨੇ ਯੂਐੱਸਐੱਮਸੀਏ ਯਾਨੀ ਸੰਯੁਕਤ ਰਾਜ ਅਮਰੀਕਾ-ਮੈਕਸੀਕੋ-ਕੈਨੇਡਾ ਵਪਾਰ ਸਮਝੌਤੇ ਦੇ ਨਿਯਮਾਂ ਮੁਤਾਬਕ, ਅਮਰੀਕਾ ਤੋਂ ਇੰਪੋਰਟ ਹੋਣ ਵਾਲੇ ਵਾਹਨਾਂ ਦੇ ਉਸ ਹਰ ਹਿੱਸੇ 'ਤੇ 25 ਫੀਸਦੀ ਟੈਰਿਫ ਲਗਾਇਆ ਹੈ ਜੋ ਕੈਨੇਡਾ ਜਾਂ ਮੈਕਸੀਕੋ ਤੋਂ ਨਹੀਂ ਹਨ। ਉਥੇ ਹੀ, ਫੁਲ ਅਸੈਬਲਡ ਕਾਰਾਂ 'ਤੇ 25 ਫੀਸਦੀ ਟੈਰਿਫ ਲੱਗਾ ਹੈ, ਜੋ ਯੂਐੱਸਐੱਮਸੀਏ ਨਿਯਮਾਂ ਨੂੰ ਫੋਲੋ ਨਹੀਂ ਕਰਦੀਆਂ ਹਨ।