10.85C Vancouver 10.85C VancouverApr 5, 2020 7:41 PM -
ਕੈਨੇਡਾ ਵੱਲੋਂ ਕੋਵਿਡ-19 ਨਾਲ ਜੂਝ ਰਹੇ ਹੋਰ ਦੇਸ਼ਾਂ ਲਈ ਅੰਤਰਰਾਸ਼ਟਰੀ ਮਦਦ ਪ੍ਰਦਾਨ ਕਰਨ ਲਈ ਪ੍ਰਦਾਨ ਕੀਤੀ ਜਾ ਰਹੀ ਵਿੱਤੀ ਸਹਾਇਤਾ 'ਚ ਵਾਧਾ ਕੀਤਾ ਜਾ ਰਿਹਾ ਹੈ।
ਇਸ 'ਚ $100 ਮਿਲੀਅਨ ਤੋਂ ਵੱਧ ਦਾ ਵਾਧਾ ਕੀਤਾ ਜਾ ਰਿਹਾ ਹੈ।
ਇਸਤੋਂ ਪਹਿਲਾਂ ਮਾਰਚ ਵਿੱਚ ਕੈਨੇਡਾ ਵੱਲੋਂ ਅੰਤਰਰਾਸ਼ਟਰੀ ਮਦਦ ਲਈ $50 ਮਿਲੀਅਨ ਦੀ ਰਾਸ਼ੀ ਦਾ ਐਲਾਨ ਕੀਤਾ ਗਿਆ ਸੀ।
ਹੁਣ ਇਸ ਰਾਸ਼ੀ 'ਚ $109.5 ਮਿਲੀਅਨ ਦਾ ਵਾਧਾ ਕੀਤਾ ਜਾ ਰਿਹਾ ਹੈ।
ਇਸਦੀ ਜਾਣਕਾਰੀ ਅੱਜ ਇੰਟਰਨੈਸ਼ਨਲ ਡਵੈਲਪਮੈਂਟ ਮੰਤਰੀ ਕਰੀਨਾ ਗੌਲਡ ਨੇ ਕੀਤੀ ਹੈ।
ਉਨ੍ਹਾਂ ਦੱਸਿਆ ਕਿ $30 ਮਿਲੀਅਨ ਦੀ ਰਾਸ਼ੀ ਕੁਝ ਖਾਸ ਮੁਲਕਾਂ ਲਈ ਰਖਿਗਾਈ ਹੈ, ਜਿੰਨਾ ਮਦਦ ਲਈ ਅਪੀਲ ਕੀਤੀ ਹੈ।
ਇਸਤੋਂ ਅਲਾਵਾ $40 ਮਿਲੀਅਨ ਦੀ ਰਾਸ਼ੀ, ਕੋਅਲਿਸ਼ਨ ਫਾਰ ਐਪੀਡੈਮਿਕ ਪ੍ਰਿਪੇਅਰਡਨੈਸ ਇਨੋਵੇਸ਼ਨਸ (Coalition for Epidemic Preparedness Innovations) ਦੇ ਤਹਿਤ ਕੁਝ ਹੋਰ ਮੁਲਕਾਂ ਨੂੰ ਜਾਵੇਗੀ।
ਇਸਤੋਂ ਅਲਾਵਾ $84.5 ਮਿਲੀਅਨ ਦੀ ਰਾਸ਼ੀ ਕਈ ਹੋਰ ਅੰਤਰਰਾਸ਼ਟਰੀ ਸੰਗਠਨਾਂ ਨੂੰ ਜਾਵੇਗੀ, ਜਿਸਦੇ ਵਿਚ ਵਰਲਡ ਹੈਲਥ ਔਰਗੇਨਾਈਜੇਸ਼ਨ, ਯੂਨਾਈਟਿਡ ਨੇਸ਼ਨਸ ਹਾਈ ਕਮਿਸ਼ਨਰ ਫਾਰ ਰੈਫਿਊਜੀਸ, ਯੂਨੀਸੈਫ, ਅਤੇ ਵਰਲਡ ਫੂਡ ਪ੍ਰੋਗਰਾਮ ਵੀ ਸ਼ਾਮਿਲ ਹਨ।
