13.85C Vancouver 13.85C VancouverJun 20, 2022 7:23 PM - The Canadian Press
ਰੱਖਿਆ ਮੰਤਰੀ ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਕੈਨੇਡਾ ਵੱਲੋਂ ਅਗਲੇ 6 ਸਾਲ 'ਚ ਨੌਰਥ ਅਮਰੀਕਾ ਦੇ ਡਿਫੈਂਸ ਸਿਸਟਮ ਨੂੰ ਮੌਡਰਨਾਈਜ ਕਰਨ ਯਾਨੀ ਕਿ ਰੱਖਿਆ ਸਿਸਟਮ ਦੇ ਆਧੁਨਿਕੀਕਰਨ ਦੇ ਲਈ $4.9 ਬਿਲੀਅਨ ਦਾ ਨਿਵੇਸ਼ ਕੀਤਾ ਜਾਵੇਗਾ।
ਔਂਟੈਰੀਓ 'ਚ ਸੀ.ਐਫ.ਬੀ. ਟ੍ਰੈਂਟਨ 'ਚ ਇੱਕ ਨਿਊਜ ਕਾਨਫਰੰਸ ਦੌਰਾਨ ਅਨੀਤਾ ਅਨੰਦ ਨੇ ਕਿਹਾ ਕਿ ਇਹ ਕਰੀਬ 4 ਦਹਾਕਿਆਂ 'ਚ ਕੈਨੇਡਾ ਵੱਲੋਂ ਨੋਰਾਡ ਦੇ ਅਪਗ੍ਰੇਡ ਲਈ ਪਾਇਆ ਗਿਆ ਸਭ ਤੋਂ ਅਹਿਮ ਯੋਗਦਾਨ ਹੈ।
ਇਹ ਫੰਡਿੰਗ ਅਗਲੇ ਕਰੀਬ 20 ਸਾਲ ਦੌਰਾਨ ਕੈਨੇਡਾ ਵੱਲੋਂ ਕੀਤੇ ਜਾਣ ਵਾਲੇ $40 ਬਿਲੀਅਨ ਦੇ ਨਿਵੇਸ਼ ਦਾ ਹਿੱਸਾ ਹੈ।
ਇਸ ਆਸਰੇ 'ਅਰਲੀ ਵਾਰਨਿੰਗ' ਸਿਸਟਮ ਨੂੰ ਅਪਗ੍ਰੇਡ ਕੀਤਾ ਜਾਵੇਗਾ।
ਇਸ 'ਚ ਆਰਕਟਿਕ ਦੇ ਇਲਾਕੇ 'ਚ ਖਤਰੇ ਨੀ ਭਾਂਪ ਲੈਣ ਵਾਲੇ ਨਵੇਂ ਰਡਾਰ ਨੈਟਵਰਕ ਨੂੰ ਉਸਾਰਨ ਦਾ ਪਲੈਨ ਸ਼ਾਮਿਲ ਹੈ।
ਇਸ ਤੋਂ ਇਲਾਵਾ ਨਵੇਂ ਕੰਟਰੋਲ ਅਤੇ ਕਮਾਂਡ ਸਿਸਟਮ ਸਥਾਪਿਤ ਕਰਨ ਅਤੇ ਐਡਵਾਂਸਡ ਏਅਰ ਟੁ ਏਅਰ ਮਿਸਾਈਲ ਦਾ ਨਿਰਮਾਣ ਵੀ ਪਲੈਨਿੰਗ ਦਾ ਹਿੱਸਾ ਹੈ।
