20.1C Vancouver 20.1C VancouverJan 28, 2021 8:27 PM -
ਕੈਨੇਡਾ 'ਚ ਵੈਕਸੀਨ ਦੀ ਵੰਢ ਅਤੇ ਲੌਜਿਸਟਿਕਸ ਦੇ ਮੁਖੀ, ਮੇਜਰ ਜਨਰਲ ਡੈਨੀ ਫੌਰਟੈਂ ਦਾ ਕਹਿਣਾ ਹੈ ਕਿ ਕੈਨੇਡਾ 'ਚ ਅਗਲੇ 2 ਹਫ਼ਤੇ ਵਿਚਾਲੇ ਫਾਈਜ਼ਰ ਬਾਇਓਐਨਟੈਕ ਦੀਆਂ 149,000 ਡੋਜ਼ ਪਹੁੰਚ ਰਹੀਆਂ ਹਨ।
ਕੰਪਨੀ ਵੱਲੋਂ ਕੀਤੇ ਗਏ ਵੈਕਸੀਨ ਖੁਰਾਕਾਂ ਦੀ ਗਿਣਤੀ ਦੇ ਵਾਅਦੇ ਦੇ ਉਲਟ ਇਹ ਖੁਰਾਕਾਂ ਦਾ 5ਵਾਂ ਹਿੱਸਾ ਹੀ ਦੱਸਿਆ ਜਾ ਰਿਹਾ ਹੈ।
ਕਈ ਹਫ਼ਤੇ ਤੋਂ ਕਿਹਾ ਜਾ ਰਿਹਾ ਸੀ ਕਿ ਕੈਨੇਡਾ 'ਚ ਫਰਵਰੀ ਦੇ ਮੱਧ ਤੋਂ ਵੈਕਸੀਨ ਸ਼ਿਪਮੈਂਟਸ ਦੀ ਡਿਲੀਵਰੀ ਮੁੜ ਠੀਕ ਹੋ ਜਾਵੇਗੀ।
ਪਰ ਹੁਣ ਮੇਜਰ ਜਨਰਲ ਡੈਨੀ ਫੌਰਟੈਂ ਦਾ ਕਹਿਣਾ ਹੈ ਕਿ 15 ਫਰਵਰੀ ਤੱਕ 335,000 ਡੋਜ਼ ਪ੍ਰਦਾਨ ਕੀਤੀਆਂ ਜਾਣਗੀਆਂ।
ਇਸ ਨੂੰ ਪਹਿਲਾਂ ਦੀ ਸਮੇਂ ਸੀਮਾ ਮੁਕਾਬਲੇ 91% ਵੈਕਸੀਨ ਦੀ ਡਿਲੀਵਰੀ ਦੱਸਿਆ ਜਾ ਰਿਹਾ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਕੰਪਨੀ ਨੇ ਮਾਰਚ ਦੇ ਅੰਤ ਤੱਕ 4 ਮਿਲੀਅਨ ਡੋਜ਼ ਪਹੁੰਚਾਉਣ ਦੀ ਗੱਲ ਦੁਹਰਾਈ ਹੈ।
ਯਾਦ ਰਹੇ ਅੱਜ ਸਸਕੈਚਵਿਨ ਦੇ ਪ੍ਰੀਮਿਅਰ ਸਕੌਟ ਮੋ ਨੇ ਕਿਹਾ ਸੀ ਕਿ ਫੈਡਰਲ ਸਰਕਾਰ ਨੇ ਮਾਰਚ ਦੇ ਅੰਤ ਤੱਕ ਹੋਣ ਵਾਲੀਆਂ ਡਿਲਿਵਰੀਆਂ ਨੂੰ 3.5 ਮਿਲੀਅਨ ਤੱਕ ਘਟ ਗਿਆ ਦੱਸਿਆ ਹੈ।
