12.29C Vancouver 12.29C VancouverAug 7, 2021 12:23 AM -
ਕੈਨੇਡਾ ਨੇ ਟੋਕਿਓ ਓਲੰਪਿਕਸ ਵਿੱਚ ਆਪਣੇ ਪਿਛਲੇ ਓਲੰਪਿਕਸ ਦੇ ਪਰਫਾਰਮੈਂਸ ਤੋਂ ਬਿਹਤਰ ਪ੍ਰਦਰਸ਼ਨ ਕਰ ਵਿਖਾਇਆ ਹੈ।
ਓਲੰਪਿਕ ਖੇਡਾਂ ਅਜੇ ਖਤਮ ਨਹੀਂ ਹੋਈਆਂ ਹਨ ਪਰ 14 ਦਿਨਾਂ ਦੇ ਖੇਡ ਤਕ ਕੈਨੇਡਾ ਨੇ ਰੀਓ ਓਲੰਪਿਕਸ ਦੀ ਬਰਾਬਰੀ ਜਿੰਨੇ ਮੈਡਲ ਹਾਸਿਲ ਕਰ ਲਏ ਹਨ।
ਰੀਓ ਖੇਡਾਂ 'ਚ ਕੈਨੇਡਾ ਨੂੰ 22 ਤਗਮੇ ਹਾਸਿਲ ਹੋਏ ਸਨ ਜਿਸ ਦੀ ਬਰਾਬਰੀ ਹੁਣ ਤਕ ਟੀਮ ਕੈਨੇਡਾ ਨੇ ਕਰ ਵਿਖਾਈ ਹੈ।
ਹਾਲਾਂਕਿ ਬੀਤੇ ਓਲੰਪਿਕਸ ਵਿੱਚ ਕੈਨੇਡਾ ਦੇ ਖਾਤੇ 'ਚ 4 ਗੋਲਡ ਮੈਡਲ ਪਏ ਸਨ ਜਿਸ ਦੀ ਤੁਲਣਾ 'ਚ ਇਸ ਵਾਰ ਕੈਨੇਡਾ ਨੇ 6 ਗੋਲਡ ਮੈਡਲ ਜਿੱਤ ਵਿਖਾਏ ਹਨ।
ਇਸ ਦੇ ਨਾਲ ਹੀ ਕੈਨੇਡਾ ਦੀ ਓਲੰਪਿਕ ਪਰਫਾਰਮੈਂਸ ਰੀਓ ਦੇ ਮੁਕਾਬਲੇ ਬਿਹਤਰ ਹੋ ਗਈ ਹੈ।
ਅੱਜ ਕੈਨੇਡਾ ਲਈ ਸੌਕਰ ਦੇ ਗੋਲਡ ਤੋਂ ਇਲਾਵਾ ਅਥਲੈਟਿਕਸ ਦੀ 5000 ਮੀਟਰ ਦੌੜ 'ਚ ਮੋ ਅਹਿਮਦ ਨੇ ਚਾਂਦੀ ਦਾ ਤਗਮਾ ਜਿੱਤਿਆ।
ਉੱਧਰ ਪੁਰਸ਼ਾਂ ਦੀ 4 ਗੁਣਾ 100 ਮੀਟਰ ਰਿਲੇ ਦੌੜ 'ਚ ਕੈਨੇਡਾ ਨੂੰ ਕਾਂਸੀ ਦਾ ਤਗਮਾ ਹਾਸਿਲ ਹੋਇਆ।
ਪੁਰਸ਼ਾਂ ਦੀ 50km ਵਾਕ 'ਚ ਬੀ.ਸੀ. 'ਚ ਰਿਚਮੰਡ ਦੇ ਈਵਨ ਡੁਨਫੀ ਨੇ ਕਾਂਸੀ ਦਾ ਤਗਮਾ ਜਿੱਤਿਆ।
