21.24C Vancouver 21.24C VancouverMar 13, 2026 1:33 PM - Connect Newsroom - Jasmine Singh with files from The Canadian Press
ਕੈਨੇਡਾ ਦੀ ਆਰਥਿਕਤਾ ਨੇ ਫਰਵਰੀ ਵਿਚ 84,000 ਨੌਕਰੀਆਂ ਦਾ ਨੁਕਸਾਨ ਦਰਜ ਕੀਤਾ ਹੈ, ਇਸ ਦੇ ਨਾਲ ਹੀ ਬੇਰੁਜ਼ਗਾਰੀ ਦੀ ਦਰ 0.2 ਫੀਸਦੀ ਅੰਕ ਵਧ ਕੇ 6.7 ਫੀਸਦੀ ਹੋ ਗਈ ਹੈ। ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਸ਼ੁੱਕਰਵਾਰ ਨੂੰ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ, ਜੇਕਰ ਕੋਰੋਨਾ ਮਹਾਂਮਾਰੀ ਦੇ ਲੌਕਡਾਊਨ ਵਾਲੇ ਸਮੇਂ ਨੂੰ ਛੱਡ ਦਿੱਤਾ ਜਾਵੇ ਤਾਂ ਨੌਕਰੀਆਂ ਵਿਚ ਇੰਨੀ ਵੱਡੀ ਗਿਰਾਵਟ ਪਿਛਲੇ 17 ਸਾਲਾਂ ਵਿਚ ਪਹਿਲੀ ਵਾਰ ਦੇਖੀ ਗਈ ਹੈ।
ਪਿਛਲੇ ਮਹੀਨੇ ਸਰਵਿਸ ਅਤੇ ਗੁੱਡਸ ਦੋਵਾਂ ਸੈਕਟਰਸ ਵਿਚ ਜੌਬਸ ਵਿਚ ਗਿਰਾਵਟ ਆਈ ਹੈ। ਇਕੱਲੇ ਹੌਲਸੇਟ ਅਤੇ ਰਿਟੇਲ ਟਰੇਡ ਵਿਚ 18,000 ਨੌਕਰੀਆਂ ਖ਼ਤਮ ਹੋਈਆਂ ਹਨ। ਸਟੈਟਕੈਨ ਮੁਤਾਬਕ, ਨੌਕਰੀਆਂ ਗੁਆਉਣ ਵਾਲਿਆਂ ਵਿਚ ਵੱਡੀ ਗਿਣਤੀ 25 ਤੋਂ 54 ਸਾਲ ਦੇ ਮਰਦਾਂ ਅਤੇ 15 ਤੋਂ 24 ਸਾਲ ਦੇ ਨੌਜਵਾਨਾਂ ਦੀ ਹੈ।
ਮਾਹਰਾਂ ਦਾ ਕਹਿਣਾ ਹੈ ਕਿ ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ ਸਟੀਲ, ਆਟੋਜ਼, ਲੱਕੜ ਅਤੇ ਤਾਂਬੇ ਵਰਗੇ ਮਹੱਤਵਪੂਰਨ ਸੈਕਟਰ 'ਤੇ ਲਗਾਏ ਗਏ ਟੈਰਿਫਸ ਕਾਰਨ ਲੇਬਰ ਮਾਰਕੀਟ ਵਿਚ ਪਿਛਲੇ ਕੁਝ ਮਹੀਨਿਆਂ ਵਿਚ ਕੋਈ ਮਹੱਤਵਪੂਰਨ ਨੌਕਰੀਆਂ ਨਹੀਂ ਜੁੜ ਸਕੀਆਂ ਹਨ।
