18.74C Vancouver 18.74C VancouverFeb 24, 2021 6:28 PM -
ਵੈਨਕੂਵਰ ਦੇ ਕੋਲ ਇੱਕ 'ਕੈਨੇਡਾ ਲਿੰਕਸ', ਜੋ ਕਿ ਇੱਕ ਵੱਡੀ ਬਿੱਲੀ ਜਿਹਾ ਵਿੱਖਣ ਵਾਲਾ ਜਾਨਵਰ ਹੈ, ਉਸ ਨੇ ਇੱਕ ਚਿਕਨ ਫਾਰਮ 'ਚ ਦਾਖਲਾ ਲਿਆ।
ਉਸ ਨੂੰ ਭਾਲ ਤਾਂ ਪੇਟ ਭਰ ਕੇ ਖਾਣ ਦੀ ਸੀ ਪਰ ਉਸ ਨੂੰ ਖਾਣੇ ਤੋਂ ਵਧੇਰੇ ਫਾਰਮ ਦੇ ਮਾਲਕ ਤੋਂ ਨਸੀਹਤ ਮਿਲ ਗਈ।
ਫਾਰਮ ਦੇ ਮਾਲਕ ਕ੍ਰਿਸ ਪੌਲਸਨ ਨੇ ਜਦ ਚਿਕਨ ਫਾਰਮ ਤੋਂ ਕੁਕੜੀਆਂ ਦੀਆਂ ਆਵਾਜ਼ਾਂ ਸੁਣੀਆਂ ਤਾਂ ਉਹ ਜਾਂਚ ਲਈ ਫਾਰਮ ਤਕ ਪਹੁੰਚਿਆ।
ਉਸ ਨੇ ਮੌਕੇ 'ਤੇ ਇੱਕ ਕੈਨੇਡਾ ਲਿੰਕਸ ਨੂੰ ਵੇਖਿਆ ਜੋ ਕਿ 2 ਚਿਕਨਸ ਨੂੰ ਮਾਰ ਚੁੱਕਿਆ ਸੀ ਅਤੇ ਹੋਰਾਂ 'ਤੇ ਨਜ਼ਰਾਂ ਟਿਕਾ ਕੇ ਬੈਠਾ ਸੀ।
ਪੌਲਸਨ ਨੇ ਜਾ ਕੇ ਇਸ ਵੱਡੀ ਬਿੱਲੀ ਨੂੰ ਚੁੱਕ ਲਿਆ ਅਤੇ ਉਸ ਨਾਲ ਗੱਲਬਾਤ ਦੀ ਆਪਣੀ ਵੀਡੀਓ ਵੀ ਰਿਕਾਰਡ ਕੀਤੀ।
ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵੇਖਿਆ ਜਾ ਰਿਹਾ ਹੈ।
ਪੌਲਸਨ ਨੇ ਦੱਸਿਆ ਕਿ ਮਾਮਲਾ ਐਤਵਾਰ ਦਾ ਹੈ।
ਵੀਡੀਓ 'ਚ ਵੇਖਿਆ ਜਾ ਸਕਦਾ ਹੈ ਕਿ ਵੱਡੀ ਬਿੱਲੀ ਨਸੀਹਤਾਂ ਸੁਣਦੇ ਹੋਏ ਘੂਰ ਰਹੀ ਹੈ, ਹਾਲਾਂਕਿ ਲੋਕਾਂ ਨੂੰ ਇਹ ਘੂਰ ਕਾਫੀ ਪਸੰਦ ਆ ਰਹੀ ਹੈ।
ਬੀ.ਸੀ. ਕੰਜ਼ਰਵੇਸ਼ਨ ਆਫਿਸਰ ਸਰਵਿਸ ਤੋਂ ਸਾਰਜੈਂਟ ਰੌਨ ਲੈਬਲੌਂ ਦਾ ਕਹਿਣਾ ਸੀ ਕਿ ਪੌਲਸਨ ਨੂੰ ਇਸ ਤਰ੍ਹਾਂ ਵੱਡੀ ਬਿੱਲੀ ਨੂੰ ਚੁੱਕਣਾ ਨਹੀਂ ਚਾਹੀਦਾ ਸੀ ਕਿਉਂਕਿ ਇਸ ਦੇ ਦੰਦ ਤਿੱਖੇ ਅਤੇ ਪੰਜੇ ਵੱਡੇ ਹੁੰਦੇ ਹਨ ਅਤੇ ਇਹ ਖਤਰਨਾਕ ਸਾਬਿਤ ਹੋ ਸਕਦਾ ਹੈ।
