17.04C Vancouver 17.04C VancouverNov 16, 2022 1:13 AM - The Canadian Press
ਪੋਲੈਂਡ ਵੱਲੋਂ ਪੁਸ਼ਟੀ ਕੀਤੀ ਗਈ ਹੈ ਕਿ ਰੂਸ ਵੱਲੋਂ ਦਾਗੀਆਂ ਗਈਆਂ ਮਿਸਾਇਲਸ ਪੋਲੈਂਡ 'ਚ ਡਿੱਗੀਆਂ ਹਨ ਅਤੇ ਇਸ ਦੌਰਾਨ 2 ਲੋਕਾਂ ਦੀ ਮੌਤ ਹੋ ਗਈ ਹੈ।
ਇਸ ਸੰਬੰਧੀ ਦੇਸ਼ ਦੀ ਰੱਖਿਆ ਮੰਤਰੀ ਅਨੀਤਾ ਅਨੰਦ ਨੇ ਕਿਹਾ ਹੈ ਕਿ ਸਰਕਾਰ ਇਸ ਸਥਿਤੀ ਨੂੰ ਮਾਨੀਟਰ ਕਰ ਰਹੀ ਹੈ ਕਿ ਨੈਟੋ ਅਲਾਈ 'ਤੇ ਹਮਲਾ ਹੋਇਆ ਹੈ।
ਅਨੀਤਾ ਅਨੰਦ ਨੇ ਕਿਹਾ ਕਿ ਇਸ ਮਾਮਲੇ 'ਚ ਉਨ੍ਹਾਂ ਕੋਲ ਅਪਡੇਟਸ ਪਹੁੰਚ ਰਹੇ ਹਨ ਅਤੇ ਪੋਲਿਸ਼ ਅਧਿਕਾਰੀਆਂ ਨਾਲ ਵੀ ਸੰਪਰਕ ਸਥਾਪਿਤ ਕੀਤਾ ਗਿਆ ਹੈ।
ਇਸ ਰਿਪੋਰਟ ਨਾਲ ਖਤਰਾ ਵੀ ਵਧ ਗਿਆ ਹੈ ਕਿ ਯੂਕਰੇਨ ਖਿਲਾਫ ਜਾਰੀ ਹਮਲਾ ਹੁਣ ਪੂਰਬੀ ਯੂਰੋਪ ਵੱਲ ਵਧ ਸਕਦਾ ਹੈ।
ਇਸ ਨਾਲ ਰੂਸ ਅਤੇ ਨੈਟੋ ਮਿਲਟਰੀ ਅਲਾਇੰਸ ਵਿਚਾਲੇ ਕੰਫਿਲਕਟ ਦੇ ਵਧਣ ਦੇ ਆਸਾਰ ਬਣ ਗਏ ਹਨ।
ਯਾਦ ਰਹੇ ਇਸ ਹਮਲੇ ਦੀਆਂ ਰਿਪੋਰਟਸ ਉਸ ਵੇਲੇ ਉਜਾਗਰ ਹੋਈਆਂ ਹਨ ਜਦ ਰੂਸ ਵੱਲੋਂ ਅੱਜ ਯੂਕਰੇਨ ਦੇ ਕਈ ਸ਼ਹਿਰਾਂ 'ਤੇ ਬੌਂਬਿੰਗ ਕੀਤੀ ਗਈ ਹੈ।
ਉੱਧਰ ਦੇਸ਼ ਦੀ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਮੈਲਨੀ ਜੋਲੀ ਨੇ ਆਖਿਆ ਹੈ ਕਿ ਮਾਮਲਾ ਗੰਭੀਰ ਹੈ ਅਤੇ ਉਨ੍ਹਾਂ ਦਾ ਧਿਆਨ ਇਸ ਵੇਲੇ ਪੋਲੈਂਡ ਦੇ ਲੋਕਾਂ ਅਤੇ ਪੀੜਤ ਲੋਕਾਂ ਦੇ ਪਰਿਵਾਰਾਂ ਵੱਲ ਹੈ।
