16.64C Vancouver 16.64C VancouverSep 22, 2026 5:11 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੇ ਵਿੱਤ ਮਿਨਿਸਟਰ ਫ੍ਰਾਂਸੋਵਾ-ਫਿਲਿਪ ਸ਼ੈਂਪੇਨ ਨੇ ਪੈਟਰੋਲ ਅਤੇ ਡੀਜ਼ਲ 'ਤੇ ਫੈਡਰਲ ਈਂਧਨ ਆਬਕਾਰੀ ਟੈਕਸ ਵਿਚ ਦਿੱਤੀ ਗਈ ਰਾਹਤ ਨੂੰ 31 ਜਨਵਰੀ 2027 ਤੱਕ ਵਧਾਉਣ ਲਈ ਅੱਜ ਪਾਰਲੀਮੈਂਟ ਵਿਚ ਬਿੱਲ ਸੀ-38 ਪੇਸ਼ ਕੀਤਾ ਹੈ। ਇਸ ਕਾਨੂੰਨ ਤਹਿਤ, ਕੈਨੇਡਾ ਵਾਸੀਆਂ ਨੂੰ ਪੈਟਰੋਲ 'ਤੇ 10 ਸੈਂਟ ਪ੍ਰਤੀ ਲਿਟਰ ਅਤੇ ਡੀਜ਼ਲ 'ਤੇ 4 ਸੈਂਟ ਪ੍ਰਤੀ ਲਿਟਰ ਦੀ ਮਿਲ ਰਹੀ ਪੂਰੀ ਰਾਹਤ ਜਨਵਰੀ ਦੇ ਅਖੀਰ ਤੱਕ ਜਾਰੀ ਰਹੇਗੀ।
ਸ਼ੈਂਪੇਨ ਮੁਤਾਬਕ, ਇਸ ਕਦਮ ਨਾਲ ਆਮ ਜਨਤਾ ਨੂੰ ਹਰ 50-ਲੀਟਰ ਦੇ ਫੁੱਲ ਟੈਂਕ 'ਤੇ ਲਗਭਗ 5 ਡਾਲਰ ਦੀ ਸਿੱਧੀ ਬਚਤ ਹੋਵੇਗੀ। ਇਸ ਤੋਂ ਬਾਅਦ 1 ਫਰਵਰੀ ਤੋਂ 31 ਮਾਰਚ 2027 ਤੱਕ ਇਸ ਟੈਕਸ ਨੂੰ ਅੱਧਾ ਹੀ ਲਾਗੂ ਕੀਤਾ ਜਾਵੇਗਾ ਅਤੇ 1 ਅਪ੍ਰੈਲ 2027 ਤੋਂ ਇਹ ਟੈਕਸ ਮੁੜ ਆਪਣੀ ਪੁਰਾਣੀ ਪੂਰੀ ਦਰ 'ਤੇ ਵਾਪਸ ਆਵੇਗਾ।
ਸਰਕਾਰ ਮੁਤਾਬਕ ਵਿਸ਼ਵਵਿਆਪੀ ਤਣਾਅ ਅਤੇ ਮਿਡਲ ਈਸਟ ਦੇ ਸੰਕਟ ਕਾਰਨ ਵਧ ਰਹੀਆਂ ਤੇਲ ਕੀਮਤਾਂ ਦੇ ਬੋਝ ਤੋਂ ਕੈਨੇਡੀਅਨ ਪਰਿਵਾਰਾਂ, ਟਰੱਕਰਾਂ, ਅਤੇ ਖੇਤੀਬਾੜੀ ਸੈਕਟਰ ਨੂੰ ਬਚਾਉਣ ਲਈ ਇਹ ਕਦਮ ਚੁੱਕਿਆ ਗਿਆ ਹੈ, ਜਿਸ ਨਾਲ ਕੈਨੇਡੀਅਨ ਨੂੰ ਈਂਧਨ 'ਤੇ ਕੁੱਲ $5.3 ਬਿਲੀਅਨ ਦੀ ਟੈਕਸ ਰਾਹਤ ਮਿਲੇਗੀ।
