16.4C Vancouver 16.4C VancouverSep 15, 2020 10:36 PM -
ਇੰਟਰਨੈਸ਼ਨਲ ਟਰੇਡ ਮੰਤਰੀ ਮੈਰੀ ਐਂਗ ਦਾ ਕਹਿਣਾ ਹੈ ਕਿ ਕੈਨੇਡਾ ਵੱਲੋਂ ਅਮਰੀਕਾ 'ਤੇ ਲਗਾਏ ਜਾਣ ਵਾਲੇ ਰੀਟੈਲੀਏਟਰੀ ਟੈਰਿਫ ਹੁਣ ਨਹੀਂ ਲਗਾਏ ਜਾ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਦਾ ਇਹ ਅਰਥ ਨਹੀਂ ਹੈ ਕਿ ਇਹ ਫੈਸਲਾ ਬਦਲਿਆ ਨਹੀਂ ਜਾ ਸਕਦਾ, ਅਤੇ ਉਨ੍ਹਾਂ ਕਿਹਾ ਕਿ ਜੇਕਰ ਅਮਰੀਕਾ ਫਿਰ ਤੋਂ ਟੈਰਿਫ ਲਗਾਉਣ ਦੀ ਗੱਲ ਕਰਦਾ ਹੈ ਤਾਂ ਕੈਨੇਡਾ ਵੀ ਜਵਾਬੀ ਟੈਰਿਫ ਲਗਾਉਣ ਲਈ ਤਿਆਰ ਹੈ।
ਉਨ੍ਹਾਂ ਕਿਹਾ ਕੈਨੇਡਾ ਕਦੀ ਵੀ ਪਹਿਲ ਨਹੀਂ ਕਰਦਾ, ਪਰ ਲੋੜ ਪੈਣ 'ਤੇ ਪਿੱਛੇ ਵੀ ਨਹੀਂ ਹਟਦਾ।
ਮੈਰੀ ਐਂਗ ਦਾ ਕਹਿਣਾ ਹੈ ਕਿ ਅੱਜ ਕੈਨੇਡਾ ਦੀ ਐਲੁਮੀਨਮ ਇੰਡਸਟਰੀ ਲਈ ਚੰਗਾ ਦਿਨ ਹੈ।
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਕਿਹਾ ਕਿ ਚੀਜ਼ਾਂ ਫਿਰ ਉੱਥੇ ਹੀ ਆ ਗਈਆਂ ਹਨ, ਜਿੱਥੇ ਉਨ੍ਹਾਂ ਨੂੰ ਹੋਣਾ ਚਾਹੀਦਾ ਸੀ।
ਇਹ ਟਿੱਪਣੀਆਂ ਅਮਰੀਕਾ ਵੱਲੋਂ ਐਲੁਮੀਨਮ 'ਤੇ ਲਗਾਏ ਗਏ 10% ਟੈਰਿਫਸ ਹਟਾਏ ਜਾਣ ਦੇ ਫੈਸਲੇ ਤੋਂ ਬਾਅਦ ਕੀਤੀਆਂ ਗਈਆਂ ਹਨ।
