10.35C Vancouver 10.35C VancouverSep 22, 2020 10:26 PM -
ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕੈਨੇਡਾ ਅਜਿਹੇ ਦੁਰਾਹੇ 'ਤੇ ਖੜਾ ਹੈ, ਜਿੱਥੇ ਕੋਵਿਡ-19 ਦੇ ਮੁੜ ਤੋਂ ਵੱਡੀ ਦਸਤਕ ਦੇਣ ਦੇ ਖਤਰੇ ਦਾ ਰਸਤਾ ਸਾਹਮਣੇ ਵਿਖਾਈ ਦੇ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਲੋਕ ਸਿਹਤ ਅਤੇ ਨਿੱਜੀ ਬਚਾਅ ਕਦਮਾਂ 'ਚ ਮਜ਼ਬੂਤੀ ਲਿਆਉਣ ਦੀ ਲੋੜ ਹੈ, ਤਾਂ ਜੋ ਵਾਇਰਸ ਦੇ ਫੈਲਾਅ ਨੂੰ ਕੰਟਰੋਲ 'ਚ ਰੱਖਿਆ ਜਾ ਸਕੇ।
ਡਾ. ਟੈਮ ਨੇ ਕਿਹਾ ਕਿ ਜੇਕਰ ਲੋਕਾਂ ਨੇ ਆਪਣੇ ਕੰਟੈਕਟਸ ਨੂੰ ਸੀਮਤ ਨਾ ਰੱਖਿਆ, ਤਾਂ ਇਹ ਮਹਾਂਮਾਰੀ ਹੋਰ ਵੀ ਤੇਜ਼ੀ ਅਤੇ ਮਜ਼ਬੂਤੀ ਨਾਲ ਵਾਪਸੀ ਕਰੇਗੀ ਅਤੇ ਸੰਕ੍ਰਮਿਤ ਲੋਕ ਵਾਇਰਸ ਦਾ ਫੈਲਾਅ ਵਧਾ ਦੇਣਗੇ।
ਡਾ. ਟੈਮ ਦੀ ਯੁਵਾ ਵਰਗ ਨੂੰ ਅਪੀਲ
ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਕੈਨੇਡਾ ਦੇ ਯੁਵਾ ਵਰਗ ਨੂੰ ਸਿੱਧਾ ਸੁਨੇਹਾ ਦਿੱਤਾ ਹੈ ਕਿ, ਪੂਰੇ ਦੇਸ਼ ਦਾ ਭਲਾ ਸੋਚਦੇ ਹੋਏ, ਵਾਇਰਸ ਨੂੰ ਵਧਾਉਣ ਵਾਲੀਆਂ ਗਤੀਵਿਧੀਆਂ ਤੋਂ ਬਚਿਆ ਜਾਵੇ।
ਉਨ੍ਹਾਂ ਕਿਹਾ ਕਿ ਯੁਵਾ ਵਰਗ ਨੇ ਇਸ ਪੈਂਡੇਮਿਕ ਨੂੰ ਠੱਲ ਪਾਉਣ 'ਚ ਬਹਾਰ ਰੁੱਤੇ, ਅਹਿਮ ਭੂਮਿਕਾ ਨਿਭਾਈ ਸੀ।
ਡਾ. ਟੈਮ ਨੇ ਕਿਹਾ, ਯੁਵਾ ਵਰਗ ਨੂੰ ਫਿਰ ਤੋਂ ਅਜਿਹਾ ਕਰਨ ਦੀ ਲੋੜ ਹੈ।
ਕੈਨੇਡਾ 'ਚ ਵਾਇਰਸ ਸੰਬੰਧੀ ਮਾਮਲਿਆਂ 'ਚ ਰੀਵਿਊ 'ਚ ਸਾਹਮਣੇ ਆਇਆ ਹੈ ਕਿ, ਜੂਨ ਮਹੀਨੇ ਤੋਂ ਵਾਇਰਸ ਸੰਬੰਧੀ ਮਾਮਲਿਆਂ 'ਚ ਸਭ ਤੋਂ ਵੱਧ ਸੰਕ੍ਰਮਣ ਯੁਵਾ ਵਰਗ 'ਚ ਸਾਹਮਣੇ ਆਇਆ ਹੈ।
