18.83C Vancouver 18.83C VancouverJan 3, 2025 5:55 PM - Connect Newsroom
ਕੈਨੇਡਾ ਵਲੋਂ ਟਰੰਪ ਦੇ ਵਧਦੇ ਦਬਾਅ ਵਿਚਕਾਰ ਬਾਰਡਰ ਸੁਰੱਖਿਆ ਨੂੰ ਮਜਬੂਤ ਕਰਨ ਦੀ ਯੋਜਨਾ ਤਹਿਤ ਅਮਰੀਕਾ ਵਿਚ ਆਪਣੀ ਪਹਿਲੀ ਪ੍ਰੀ-ਕਲੀਅਰੈਂਸ ਸਹੂਲਤ ਸਥਾਪਿਤ ਕੀਤੀ ਜਾ ਰਹੀ ਹੈ।
ਬਾਰਡਰ ਸਰਵਿਸਿਜ਼ ਏਜੰਸੀ ਨੇ ਵੀਰਵਾਰ ਇਸ ਦੀ ਘੋਸ਼ਣਾ ਕੀਤੀ ਇਹ ਦੋ ਸਾਲਾ ਪਾਇਲਟ ਪ੍ਰੋਜੈਕਟ ਹੋਵੇਗਾ, ਇਸ ਕਦਮ ਤਹਿਤ ਕਿਊਬੈਕ ਦੀ ਕੋਵੀ ਹਿੱਲ ਪੋਰਟ ਆਫ ਐਂਟਰੀ ਨੂੰ ਯਾਤਰੀਆਂ ਲਈ ਬੰਦ ਕਰ ਦਿੱਤਾ ਜਾਵੇਗਾ ਅਤੇ ਨਿਊਯਾਰਕ ਦੇ ਪਾਸੇ ਸਥਿਤ ਕੈਨਨ ਕਾਰਨਰਜ਼ ਪੋਰਟ ਆਫ਼ ਐਂਟਰੀ ’ਤੇ ਦੋਹਾਂ ਮੁਲਕਾਂ ਦੀ ਸਾਂਝੀ ਸਹੂਲਤ ਜ਼ਰੀਏ ਯਾਤਰੀਆਂ ਨੂੰ ਕੈਨੇਡਾ ਵਿਚ ਦਾਖ਼ਲ ਹੋਣਾ ਹੋਵੇਗਾ ਪਰ ਇਸ ਤੋਂ ਪਹਿਲਾਂ ਉਨ੍ਹਾਂ ਦੀ ਡੂੰਘਾਈ ਨਾਲ ਜਾਂਚ ਹੋਵੇਗੀ ਤਾਂ ਕਿ ਕੋਈ ਗਲਤ ਵਿਅਕਤੀ ਦਾਖ਼ਲ ਨਾ ਹੋ ਸਕੇ।
ਇਸ ਪ੍ਰੀਕਲੀਅਰੈਂਸ ਸਾਈਟ ’ਤੇ ਯਾਤਰੀ-ਸ਼ਰਨਾਰਥੀਆਂ ਲਈ ਕਲੇਮ ਵੀ ਸਬਮਿਟ ਨਹੀਂ ਕਰ ਸਕਣਗੇ। ਗੌਰਤਲਬ ਹੈ ਕਿ ਅਮਰੀਕਾ ਕੋਲ 8 ਕੈਨੇਡੀਅਨ ਹਵਾਈ ਅੱਡੇ ਅਤੇ ਇੱਕ ਸਮੁੰਦਰੀ ਸਹੂਲਤ ’ਤੇ ਪ੍ਰੀਕਲੀਅਰੈਂਸ ਓਪਰੇਸ਼ਨ ਦਾ ਕੰਟਰੋਲ ਹੈ, ਜਿੱਥੇ ਅਮਰੀਕੀ ਅਧਿਕਾਰੀ ਯਾਤਰੀਆਂ ਅਤੇ ਸਾਮਾਨ ਨੂੰ ਅਮਰੀਕਾ ਵਿਚ ਐਂਟਰੀ ਦੇਣ ਜਾਂ ਨਾ ਦੇਣ ਦਾ ਫੈਸਲਾ ਕਰ ਸਕਦੇ ਹਨ।
